Ҳайати Тоҷикистон дар ҳамоиши Шурои байнидавлатии ИДМ оид ба бехатарии саноатӣ иштирок намуд
ДУШАНБЕ, 17.07.2026 /АМИТ «Ховар»/. Дар шаҳри Мински Ҷумҳурии Беларус ҳамоиши XXIV Шурои байнидавлатии Иттиҳоди Давлатҳои Мустақил оид ба бехатарии саноатӣ баргузор гардид, ки дар он аз Тоҷикистон роҳбарияти Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон иштирок намуд.
Тавре ба АМИТ «Ховар» аз ин хадамот хабар доданд, дар ҷаласа роҳбарон ва намояндагони мақомоти назоратӣ аз ҳафт давлат — Тоҷикистон, Узбекистон, Қазоқистон, Қирғизистон, Русия, Беларус ва Озарбойҷон мубодилаи таҷриба ва самтҳои афзалиятноки ҳамкориро баррасӣ намуданд.
Зимни ҷаласа муовини якуми сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон Ардашер Мирзозода дар мавзуи «Оид ба тағйирот дар қонунгузории давлатҳои аъзои Шуро дар соҳаи батанзимдарории бехатарии саноатӣ дар иншооти истеҳсолии хатарнок» маъруза намуд. Инчунин дастовардҳои Тоҷикистон дар самти рақамикунонӣ, қабули санадҳои нави меъёрии ҳуқуқӣ ва ратификатсияи Конвенсия оид ба таъсири фаромарзии садамаҳои саноатӣ муаррифӣ гардид.
Дар анҷоми ҷаласа Протокол ва Қарори муштараки ҷаласаи XXIV ба имзо расида, заминаҳои ҳамкорӣ дар бахши танзими қонунгузорӣ ва пешгирии садамаҳои саноатӣ тақвият дода шуданд.
Ҳайати Тоҷикистон ҳамзамон дар чорабиниҳои фарҳангӣ-таърихӣ иштирок намуд.
АКС: Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон
Дар Душанбе Форуми байналмилалии нассоҷӣ-Тоҷикистон–2026 баргузор гардид
Дар Тоҷикистон ҷамъоварии ангур идома дорад
Таҳкими ҳамкорӣ байни Тоҷикистон ва Созмони озуқаворӣ ва кишоварзӣ дар Рим баррасӣ гардид
Намояндагони Тоҷикистон дар Конфронси глобалии Созмони озуқаворӣ ва кишоварзӣ дар Италия иштирок намуданд
Рушди фарҳанги экологӣ дар ҷаласаи Шурои экологии Иттиҳоди Давлатҳои Мустақил баррасӣ карда шуд
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
