Ҳамкории вилояти Суғд бо ширкатҳои чинӣ густариш меёбад
ДУШАНБЕ, 14.07.2026 /АМИТ «Ховар»/. Дар Ҷумҳурии Мардумии Чин вохӯрии Раиси вилояти Суғд Раҷаб Аҳмадзода бо директори генералии ширкати «Боширан» Ма Жипен баргузор гардид, ки зимни он масъалаи тақвияти ҳамкорӣ дар самти омӯзиши таҷрибаи ширкат дар соҳаи кишоварзӣ ва дастрасӣ ба техникаҳои муосир дар самти истеҳсол ва ҷамъоварии пахта баррасӣ гардид. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Раиси вилоят иброз намуд, ки вилояти Суғд дорои имконоти фарохи истеҳсолӣ буда, масъалаи асосӣ дар самти парвариши пахта навсозии иқтидори техникӣ ба ҳисоб меравад. Бинобар ин харидани техникаҳои наву муосир барои ноҳияҳои пахтакори вилоят, ба мисли Ашту Зафаробод, Мастчоҳ, Спитамен ва Бобоҷон Ғафуров барои рушди истеҳсолот заминаи мусоид фароҳам меорад.
Ширкати «Боширан» дар самти истеҳсоли техникаи интеллектуалии кишоварзӣ, аз ҷумла барои тамоми давраи пахтапарварӣ таҷрибаи зиёд дошта, берун аз қаламрави Чин ҳам фаъолият менамояд.
Директори генералии ширкат Ма Жипен иброз дошт, ки фаъолияти ширкат на танҳо истеҳсоли техника, балки таъсиси марказҳои хизматрасониро низ дар бар мегирад. Мутахассисони он дар самти ташкили системаҳои пешрафтаи обёрии қатрагӣ таҷрибаи бой доранд.
Дар анҷоми вохӯрӣ ҷонибҳо барои дастрас намудани техникаҳои муосир ва трактори пахтачинӣ ба мувофиқа расиданд.
АКС: Хадамоти матбуоти Раиси вилояти Суғд
Намояндагони Тоҷикистон дар Конфронси глобалии Созмони озуқаворӣ ва кишоварзӣ дар Италия иштирок намуданд
Рушди фарҳанги экологӣ дар ҷаласаи Шурои экологии Иттиҳоди Давлатҳои Мустақил баррасӣ карда шуд
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
Раванди татбиқи лоиҳаи «Сохтмони лӯлаи газгузари Тоҷикистон-Чин, қисмати Д» баррасӣ гардид
БАРНОМАИ РУШДИ ПАРВАРИШИ ПАВЛОВНИЯ. Дар 72,5 гектар плантатсияҳои дарахти павловния бунёд карда шуданд
Дар хоҷагиҳои пахтакори ноҳияи Рӯдакӣ ҷамъоварии пахта оғоз гардид
