Дар Хадамоти назорати давлатии бехатарии корҳо дар саноат ва соҳаи кӯҳкорӣ Феҳристи ягонаи электронии субъектҳо таҳия карда мешавад
ДУШАНБЕ, 07.07.2026 /АМИТ «Ховар»/. Бо мақсади татбиқи Қарори Ҳукумати Ҷумҳурии Тоҷикистон «Дар бораи Стратегияи рушди зеҳни сунъӣ дар Ҷумҳурии Тоҷикистон барои давраи то соли 2040» дар Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон Феҳристи ягонаи электронии субъектҳо тарҳрезӣ карда шуд. Дар ин хусус имрӯз зимни нишасти матбуотии ин хадамот ба хабарнигорон иттилоъ доданд.
Муовини якуми сардори хадамоти Ардашер Мирзозода иброз дошт, ки татбиқи ин низом имкон медиҳад, ки маълумот оид ба иҷозатномаҳо, натиҷаҳои санҷишҳо ва ҳолати техникии субъектҳо дар шакли электронӣ нигоҳдорӣ ва ба таври онлайн назорат карда шавад. Инчунин барои гузариш аз низоми анъанавии ҳуҷҷатгузорӣ ба муҳити ҳифзшудаи электронии идоракунӣ (Secure Digital Environment) корҳои назаррас анҷом дода шуданд.
Ҳамчунин бо мақсади амалишавии сиёсати давлатии рақамикунонӣ ва рушди ҳукумати электронӣ дар сохтори хадамот шуъбаи нав таъсис дода шуд.
Дар айни ҳол лоиҳаи қарори Ҳукумати Ҷумҳурии Тоҷикистон оид ба таъсиси расмии «Шуъбаи технологияҳои рақамӣ, робита бо ҷомеа ва муносибатҳои байналмилалӣ» таҳия гардида, дар марҳилаи мувофиқа бо вазорату идораҳои дахлдор қарор дорад.
Гуфта шуд, ки низоми ягонаи байниидоравии гардиши ҳуҷҷатҳои электронӣ (ЭДО) дар дастгоҳи марказӣ ва тамоми зерсохторҳои хадамот пурра амалӣ гардид. Барои тамоми воҳидҳои сохторӣ ва нозироти давлатӣ почтаҳои электронии корпоративӣ дар домени давлатии nazorat.tj таъсис ва ба истифода дода шуд. Он ба таҳкими амнияти иттилоотӣ ва ҳифзи маълумот мусоидат менамояд.
Иттилоъ дода шуд, ки бо мақсади баланд бардоштани сатҳи саводнокии рақамии кормандон, аз ҷумла зеҳни сунъӣ моҳи августи соли 2026 баргузории даврҳои омӯзишӣ оид ба рушди малакаҳои рақамӣ пешбинӣ гардидааст. Татбиқи чунин даврҳои омӯзишӣ барои суръат бахшидан ба рақамикунонии соҳа, ҷорӣ намудани технологияҳои зеҳни сунъӣ ва баланд бардоштани самаранокии фаъолияти назоратӣ аҳамияти муҳим дорад.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
Вазири мудофиа: «Давоми солҳои соҳибистиқлолӣ Артиши миллии Тоҷикистон роҳи пуршарафу пурмасъулиятро тай намуд»
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
