Дар муассисаҳои таҳсилоти ибтидоӣ ва миёнаи касбӣ 25 ихтисоси нав дар соҳаи саноати металлургияи сиёҳ таъсис меёбад
ДУШАНБЕ, 13.07.2026 /АМИТ «Ховар»/. Дар муассисаҳои таҳсилоти ибтидоӣ ва миёнаи касбии ҷумҳурӣ 25 ихтисоси нав дар соҳаи саноати металлургияи сиёҳ таъсис дода мешавад. Дар ин хусус имрӯз Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ зимни нишасти матбуотӣ хабар дод.
Дар доираи иҷрои дастуру супоришҳои Президенти ҷумҳурӣ муҳтарам Эмомалӣ Раҳмон дар вохӯрӣ бо кормандони соҳаи саноат, ки 9 июл дар вилояти Суғд баргузор гардид, нақшаву барномаҳои таълимӣ омода шуда, дар мувофиқа бо Корхонаи металлургии тоҷик ихтисосҳои нав дар муассисаҳои таҳсилоти ибтидоӣ ва миёнаи касбии ҷумҳурӣ кушода мешаванд.
Фарҳод Раҳимӣ таъкид намуд, ки барои омода намудани мутахассисони ҷавобгӯ ба талаботи истеҳсолоти муосир, ихтисосҳои «Технологияи истеҳсоли оҳан ва пӯлод», «Коркарди металлҳо бо фишор», «Рехтагарии металлҳои сиёҳ», «Таъмир ва хизматрасонии таҷҳизоти металлургӣ», «Автоматикунонии равандҳои металлургӣ» ва «Назорати сифати маҳсулоти металлургӣ» бештар аҳамият доранд.
Ёдовар мешавем, ки 9 июли соли равон Президенти мамлакат муҳтарам Эмомалӣ Раҳмон дар суханронӣ зимни боздид аз сохтмони корхонаи ғанигардонии маъдани оҳан дар ноҳияи Бобоҷон Ғафуров вазоратҳои маориф ва илм, саноат ва технологияҳои нав ва Кумитаи таҳсилоти ибтидоӣ ва миёнаи касбиро вазифадор намуданд, ки якҷо бо корхонаҳои соҳавӣ низоми омода намудани кадрҳоро барои ҳама соҳаҳои афзалиятноки саноати мамлакат, бо назардошти талаботи истеҳсолоти муосир таҷдиди назар намоянд.
Сарвари давлат иброз намуданд, ки дар муассисаҳои таҳсилоти олӣ ва муассисаҳои таҳсилоти ибтидоиву миёнаи касбӣ, ки барои соҳаҳои саноат кадр омода мекунанд, таъсиси факултаҳо, кафедраҳо ва ихтисосҳои нави муҳандисиву техникӣ бо назардошти талаботи рушди саноати мамлакат таъмин карда шавад.
«Ҳоло ихтисосҳои металлургияи сиёҳу ранга, оҳангудозӣ, технологияи коркарди металл бо фишор, автоматикунонии равандҳои истеҳсолӣ, ташхиси озмоишгоҳии истеҳсолоти металлургӣ, таъмиру истифодаи таҷҳизоти металлургӣ барои фаъолияти корхонаҳои металлургӣ, инчунин ихтисосҳои саноати сабук, аз ҷумла нассоҷӣ барои истеҳсолоти ватанӣ зарур мебошанд», — таъкид намуданд муҳтарам Эмомалӣ Раҳмон.
Раъно НУСРАТУЛЛО,
АМИТ «Ховар»
АКС: АМИТ «Ховар»
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
