Дар ноҳияи Фирдавсӣ доир ба ташаббуси навбатии ҷаҳонии Тоҷикистон конференсияи илмӣ-назариявӣ баргузор гардид
ДУШАНБЕ, 01.07.2026 /АМИТ «Ховар»/. 30 июн бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Фирдавсии шаҳри Душанбе бахшида ба қабули Қатъномаи Маҷмаи Умумии Созмони Милали Муттаҳид дар бораи «Даҳсолаи байналмилалӣ оид ба таҳкими сулҳ барои наслҳои оянда, солҳои 2027-2036» конференсияи илмӣ-назариявӣ баргузор гардид.
Тавре ба АМИТ «Ховар» аз Кумитаи иҷроияи ноҳиявӣ хабар доданд, конференсия бо мақсади тарғибу ташвиқи иқдомҳои сулҳофарӣ, таҳкими фарҳанги сулҳ, ҳамовозиву ҷонибдорӣ аз ташаббуси ҷаҳонии Президенти Ҷумҳурии Тоҷикистон, Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон доир карда шуд.
Иштирокдорони конференсия иброз намуданд, ки Қатъномаи Маҷмаи Умумии Созмони Милали Муттаҳид оид ба «Даҳсолаи байналмилалӣ оид ба таҳкими сулҳ барои наслҳои оянда, солҳои 2027–2036» аввалин санади байналмилалӣ мебошад, ки бо ташаббуси Президенти Ҷумҳурии Тоҷикистон муҳтарам Эмомалӣ Раҳмон пешниҳод гардида, ба таҳкими нақши калидии Созмони Милали Муттаҳид дар ҳалли низоъҳо, барқарорсозии сулҳу субот, рушди фарҳанги сулҳ, густариши ҳамкорӣ байни давлатҳо ва таъмини сулҳи пойдору фарогир дар асоси ҳуқуқи байналмилалӣ мусоидат менамояд.
Иброз гардид, ки қабули ин қатънома бозгӯи эътирофи ҷомеаи ҷаҳонӣ аз нақши пешоҳанг ва ташаббускоронаи Ҷумҳурии Тоҷикистон ва Пешвои миллат дар пешбурди рӯзномаи ҷаҳонии сулҳ мебошад.
Дар анҷоми конференсия филми ҳуҷҷатӣ оид ба фаъолияти сулҳпарварона ва хизматҳои таърихии Президенти Тоҷикистон муҳтарам Эмомалӣ Раҳмон ба иштирокдорон намоиш дода шуд.
АКС: Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ
ИСТИФОДАИ ДУРУСТИ ЗЕҲНИ СУНЪӢ. Андешаҳо дар ин маврид
Маҷмаи Умумии Созмони Милали Муттаҳид оид ба ҷузъиёти баргузории Конфронси оби СММ-2028 дар Душанбе қатънома қабул намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Оид ба ташаббусҳои глобалии Тоҷикистон дар соҳаи ҳифзи пиряхҳо конфронси илмии ҷумҳуриявӣ доир шуд
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
Доир ба ташаббусҳои Тоҷикистон дар самти обу иқлим конфронси илмӣ-амалӣ баргузор шуд
Ташаббуси Тоҷикистон дар СММ: масъулияти байнинаслӣ ҳамчун парадигмаи нави ҳуқуқи сулҳ. Андешаҳо дар ин маврид
