Котиби Шурои амнияти мамлакат бо Сафири Покистон дар Тоҷикистон мулоқот намуд
ДУШАНБЕ, 27.07.2026 /АМИТ «Ховар»/. 27 июн Котиби Шурои амнияти Ҷумҳурии Тоҷикистон Юсуф Раҳмон бо Сафири Фавқулода ва Мухтори Ҷумҳурии Исломии Покистон дар Ҷумҳурии Тоҷикистон Ирфан Аҳмад мулоқот намуд, хабар медиҳад АМИТ «Ховар».
Зимни мулоқот ҷонибҳо вазъи кунунӣ ва дурнамои рушди муносибатҳои Тоҷикистону Покистонро, ки бар пояи дӯстии анъанавӣ, эҳтироми мутақобил ва эътимоди сиёсӣ асос ёфтаанд, мавриди баррасӣ қарор доданд.
Таъкид гардид, ки муносибатҳои дӯстона ва ҳамкории судманди Ҷумҳурии Тоҷикистон ва Ҷумҳурии Исломии Покистон таҳти роҳнамоии Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ва Сарвазири Ҷумҳурии Исломии Покистон, муҳтарам Шаҳбоз Шариф пайваста таҳким ёфта, барои густариши ҳамкорӣ дар соҳаҳои амният, иқтисодиёт, нақлиёту коммуникатсия, энергетика ва дигар бахшҳои мавриди таваҷҷуҳи тарафайн заминаи мусоид фароҳам овардаанд.
Дар мулоқот доираи васеи масъалаҳои амнияти минтақавӣ ва байналмилалӣ, аз ҷумла мубориза бо терроризм, ифротгароӣ, ҷинояткории муташаккили фаромиллӣ, гардиши ғайриқонунии маводи мухаддир, таҳдиду хатарҳои киберӣ, инчунин роҳҳои таҳкими ҳамкории мақомоти салоҳиятдори ду кишвар дар самти таъмини амният ва мубодилаи иттилоот баррасӣ гардид.
Дар анҷоми мулоқот ҷонибҳо барои идомаи ҳамкории мутақобили судманд, таҳкими ҳамоҳангсозии фаъолият дар созмонҳои байналмилалӣ ва минтақавӣ, инчунин мусоидат ба таҳкими сулҳу субот ва амнияти минтақа изҳори омодагӣ намуданд.
АКС: АМИТ «Ховар»
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
