НИШАСТИ МАТБУОТӢ. Дар 37 ташкилоти минтақавии бақайдгирӣ харитаҳои кадастрӣ ҷорӣ карда шудаанд
ДУШАНБЕ, 17.07.2026 /АМИТ «Ховар»/. Яке аз масъалаҳои муҳими соҳаи заминсозӣ ҷорӣ намудани харитаҳои кадастрӣ (рақамӣ) дар ташкилоти минтақавии бақайдгирӣ мебошад, ки ба ҳалли масъалаҳои ҳудудию маъмурӣ мусоидат мекунад. Дар айни замон дар 37 ташкилоти минтақавии бақайдгирӣ харитаҳои кадастрӣ дар шакли рақамӣ ҷорӣ гардидаанд, ки мавриди корбарӣ қарор доранд. Дар ин хусус имрӯз Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода ба хабарнигорон хабар дод.
Харитаҳои кадастрӣ, аз ҷумла дар шаҳру ноҳияҳои Панҷакент, Хуҷанд, Спитамен, Истаравшан, Айнӣ, Ашт, Бобоҷон Ғафуров, Зафаробод, Ҷаббор Расулов ва Шаҳристони вилояти Суғд; шаҳри Хоруғ ва ноҳияи Дарвоз, шаҳру ноҳияҳои Бохтар, Носири Хусрав, Ҷалолиддини Балхӣ, Дӯстӣ, Ёвон, Данғара, Норак, Кӯлоб, Темурмалик, Хуросон, Кӯшониён, Ховалинг ва Қубодиёни вилояти Хатлон, шаҳру ноҳияҳои Варзоб, Ваҳдат, Рӯдакӣ, Турсунзода, Шаҳринав, Ҳисор, Файзобод, Роғун, Нуробод, Лахш ва Тоҷикободи шаҳру ноҳияҳои тобеи ҷумҳурӣ ва шаҳри Душанбе мавриди корбарӣ қарор дода шудаанд.
Дар нишаст иттилоъ дода шуд, ки то 30 июни соли равон шумораи умумии хоҷагиҳои деҳқонӣ дар миқёси ҷумҳурӣ 200 ҳазору 97 ададро ташкил медод. Дар шашмоҳаи якуми соли равон 1330 хоҷагии деҳқонии навтаъсис, аз ҷумла 414 адад дар вилояти Суғд, 573 адад дар вилояти Хатлон, 82 адад дар Вилояти Мухтори Кӯҳистони Бадахшон ва 261 адад дар ноҳияҳои тобеи ҷумҳурӣ ба қайди давлатӣ гирифта шуданд.
Шумораи умумии саҳмдорони хоҷагиҳои деҳқонӣ дар миқёси ҷумҳурӣ 796 ҳазору 94 нафар буда, дар вилояти Суғд 296 ҳазору 448 нафар, дар вилояти Хатлон 373 ҳазору 379 нафар, дар Вилояти Мухтори Кӯҳистони Бадахшон 23 ҳазору 719 нафар ва дар ноҳияҳои тобеи ҷумҳурӣ 102 ҳазору 548 нафар ба қайд гирифта шудаанд.
Раъно НУСРАТУЛЛО,
АМИТ «Ховар»
АКС: АМИТ «Ховар»
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
