НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
ДУШАНБЕ, 21.07.2026 /АМИТ «Ховар»/. Дар шаш моҳи якуми соли 2026 аз ҷониби ноболиғон 405 ҳолати ҷиноят ба қайд гирифта шудааст, ки нисбат ба ҳамин давраи соли 2025 63 ҳолат зиёд мебошад. Дар ин хусус имрӯз зимни нишасти матбуотӣ Вазири корҳои дохилии Ҷумҳурии Тоҷикистон Рамазон Раҳимзода ба хабарнигорон иттилоъ дод.
Ба иттилои Вазири корҳои дохилӣ, дар ҳамин давра аз ҷониби ҷавонон 1659 ҳолати ҷиноят ба қайд гирифта шудааст, ки нисбат ба шашмоҳаи якуми соли 2025 85 ҳолат зиёд мебошад.
Таъкид гардид, ки пешгирии ҷинояткорӣ байни ноболиғон ва ҷавонон яке аз самтҳои муҳими фаъолияти мақомоти ҳифзи ҳуқуқ ба ҳисоб меравад. Дар ин самт баланд бардоштани масъулияти падару модарон, назорати доимии оила ва муассисаҳои таълимӣ, инчунин тақвияти корҳои тарбиявию фаҳмондадиҳӣ аҳамияти муҳим дорад.
«Бо мақсади пешгирии ҷинояткории наврасону ҷавонон масъулини мақомоти корҳои дохилӣ дар 1110 муассисаи таълимии ҷумҳурӣ беш аз 10 ҳазор вохӯрӣ баргузор намуда, корҳои фаҳмондадиҳӣ анҷом доданд», — гуфт Вазири корҳои дохилӣ.
Бояд гуфт, ки коҳиш додани сатҳи ҷинояткорӣ байни насли наврас танҳо тавассути фаъолияти мақомоти ҳифзи ҳуқуқ имконпазир набуда, ҳамкории муштараки оила, муассисаҳои таълимӣ ва ҷомеаро тақозо менамояд. Тарбияи дурусти ҳуқуқӣ, ҷалби ҷавонон ба корҳои созанда ва фароҳам овардани шароити муносиб барои рушди онҳо метавонад дар пешгирии омилҳои номатлуб нақши муассир гузорад.
Моҳинави НАВРӮЗ,
АМИТ «Ховар»
АКС: АМИТ «Ховар»
Раҷабалӣ Раҳмоналӣ: «Ҳодисаҳои ғарқшавӣ асосан бо сабаби риоя накардани қоидаҳои оббозӣ ба амал меоянд»
НИШАСТИ МАТБУОТӢ. Шумораи ҳолатҳои фавқулодаи табиӣ дар Тоҷикистон 519 ҳолат афзоиш ёфтааст
Дар Тоҷикистон пешгирӣ аз истеъмоли моддаҳои психотропӣ тақвият дода мешавад
Давоми шаш моҳи соли 2026 дар Душанбе 47 ҳолати монеъ шудан ба таҳсилоти ҳатмии ноболиғон ошкор карда шуд
Дар Душанбе беш аз 90 ҳолати ба фолбинӣ машғул шудани шаҳрвандон ошкор гардид
Ҷаласаи Шурои ҳамоҳангсозӣ оид ба пешгирии суиистеъмоли маводи нашъадор баргузор гардид
ТАҲДИДҲОИ МУОСИРИ КИБЕРӢ ВА РОҲҲОИ МУҚОВИМАТ БА ОНҲО. Мулоҳизаҳо дар ин маврид
Дар маҷлиси ҳайати мушовараи Прокуратураи генералӣ татбиқи дурусти Қонуни Ҷумҳурии Тоҷикистон «Дар бораи авф» баррасӣ шуд
Прокурори шаҳри Ҳисор: «Сулҳ масъулият аст ва ташаббуси навбатии байналмилалии Тоҷикистон ҷомеаи ҷаҳониро ба андеша водор месозад»
Дар беш аз 150 аттраксиони боғҳои фарҳангӣ–фароғатии Тоҷикистон камбудиҳои техникӣ ошкор карда шуд
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
