НИШАСТИ МАТБУОТӢ. Маркази тадқиқоти стратегӣ бо 47 муассисаи илмӣ-таҳқиқотии хориҷӣ ҳамкорӣ дорад
ДУШАНБЕ, 17.07.2026 /АМИТ «Ховар»/. Маркази тадқиқоти стратегии назди Президенти Ҷумҳурии Тоҷикистон бо 47 муассисаи илмӣ ва таҳқиқотии хориҷӣ ёддоштҳои тафоҳуми ҳамкорӣ ба имзо расонидааст. Аз ҷумла, дар шашмоҳаи соли 2026 барои рушди робитаҳои байналмилалӣ ва таҳкими ҳамкории коршиносӣ 4 Ёддошти тафоҳуми ҳамкорӣ ба имзо расид. Дар ин хусус имрӯз зимни нишасти матбуотии ин марказ ба хабарнигорон иттилоъ дода шуд.
Зимни нишаст гуфта шуд, ки дар ин давра Ёддошти тафоҳуми ҳамкорӣ бо Маркази тадқиқоти сиёсати хориҷӣ ва ташаббусҳои байналмилалии назди Вазорати корҳои хориҷии Ҷумҳурии Узбекистон, Ёддошти тафоҳуми ҳамкорӣ оид ба таъсиси Маркази омӯзиши масъалаҳои модернизатсияи Чин–Тоҷикистон, Ёддошти тафоҳуми ҳамкорӣ оид ба таъсиси Шурои коршиносони Тоҷикистону Узбекистон ва Ёддошти тафоҳуми ҳамкорӣ бо Институти миллии ташаббусҳои стратегии назди Президенти Ҷумҳурии Қирғизистон ба имзо расонида шуданд.
Иброз гардид, ки ҳамкорӣ бо марказҳои тадқиқотии Федератсияи Русия, Ҷумҳурии Қазоқистон, Ҳиндустон, Ҷумҳурии Исломии Эрон, Узбекистон, Озарбойҷон, Туркманистон, Корея, Иттиҳоди Аврупо, Ҷумҳурии Мардумии Чин ва дигар кишварҳо мунтазам тақвият ёфта, дар доираи он табодули афкор, таҷриба ва иттилооти илмӣ-таҳлилӣ ба роҳ монда шудааст.
Маркази тадқиқоти стратегии назди Президенти Ҷумҳурии Тоҷикистон ҳамкории судмандро бо муассисаҳои таҳлилӣ ва пажӯҳишии кишварҳои хориҷӣ густариш дода, таҷрибаи таҳлилӣ ва коршиносии кормандонро дар сатҳи байналмилалӣ муаррифӣ менамояд.
Моҳинави НАВРӮЗ,
АМИТ «Ховар»
АКС: АМИТ «Ховар»
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
