НИШАСТИ МАТБУОТӢ. Молу маҳсулоти Тоҷикистон дар 17 намоишгоҳи дохилию байналмилалӣ муаррифӣ гардид
ДУШАНБЕ, 14.07.2026 /АМИТ «Ховар»/. Дар нимсолаи аввали соли 2026 Палатаи савдо ва саноати Ҷумҳурии Тоҷикистон ба баргузор ва ташкили 17 намоишгоҳи дохилӣ ва байналмилалӣ мусоидат намуда, иштироки соҳибкорон ва аъзои палатаро дар онҳо таъмин кардааст. Дар ин хусус имрӯз зимни нишасти матбуотӣ раиси Палатаи савдо ва саноати Ҷумҳурии Тоҷикистон Фарҳодшоҳ Раҳмонализода хабар дод.
Дар давраи ҳисоботӣ палата иштироки соҳибкорони тоҷикро дар 12 намоишгоҳи байналмилалии хориҷӣ таъмин намуда, барои муаррифии молу маҳсулоти ватанӣ замина фароҳам овардааст. Фарҳодшоҳ Раҳмонализода иброз дошт, ки дар се намоишгоҳи байналмилалӣ гӯшаҳои махсуси Тоҷикистон ташкил гардида, маҳсулоти истеҳсоли ватанӣ ба маърази тамошо гузошта шуд. Илова бар ин, намояндагони ширкатҳои тоҷикӣ дар 9 намоишгоҳи хориҷӣ фаъолона иштирок карданд, ки ин ба густариши робитаҳои тиҷоратӣ ва пайдо намудани бозорҳои нави содиротӣ мусоидат мекунад.
Иттилоъ дода шуд, ки дар доираи намоишгоҳҳои баргузоршуда, ширкатҳои ватанӣ бо шарикони нав 355 санади ҳамкорӣ, аз ҷумла 90 шартномаи ҳамкорӣ ва 113 ёддошти тафоҳуми ҳамкорӣ оид ба содироти молу маҳсулот ба хориҷи кишвар, 40 шартномаи ҳамкорӣ ва 103 ёддошти тафоҳуми ҳамкорӣ оид ба харид ва фурӯши маҳсулотро ба имзо расониданд.
Дар умум дар ин давра барои иштироки беш аз 933 нафар соҳибкорони малакат – аъзои палата дар намоишгоҳҳои дохилӣ ва хориҷӣ барои муаррифии молу маҳсулоти ватанӣ, шинос гардидан бо навигариҳои технологияи муосири истеҳсолӣ ва пайдо намудани шарикони тиҷоратӣ аз дигар давлатҳо имконият фароҳам оварда шуд.
Ширинмоҳ ҚОСИМӢ,
АМИТ «Ховар»
АКС: АМИТ «Ховар»
Тоҷикистон ва Фландрияи Шоҳигарии Белгия ҳамкории тиҷоратию иқтисодиро густариш медиҳанд
Вазири нақлиёти Тоҷикистон ва Раиси вилояти Гулистони Эрон ҳамкорӣ дар соҳаи нақлиёт ва логистикаро баррасӣ намуданд
«РОҒУН» — КОХИ НУР. Сарбанди ин неругоҳ баландтарин садди обӣ дар ҷаҳон хоҳад буд
Сармоягузорони Эрон бо имконоти истеҳсолии Минтақаи озоди иқтисодии «Данғара» шинос шуданд
Таҳияи Харитаи роҳ оид ба татбиқи Нақшаи глобалии амали гендерӣ дар соҳаи гуногунии биологӣ дар Тоҷикистон баррасӣ гардид
Дар Тоҷикистон 1,1 ҳазор нуқтаи нави фурӯши неруи барқ барои нақлиёти барқӣ сохта мешавад
Намояндагони Тоҷикистон дар Конфронси UNCCD COP17 дар Улан-Батор иштирок намуданд
Ҳайати Тоҷикистон дар ҷаласаҳои Комиссияи Иттиҳоди минтақавӣ дар соҳаи алоқа оид ба спектри радиобасомадҳо иштирок намуд
Доир ба Истиқлоли давлатӣ ва ташаккули он конференсияи ҷумҳуриявии илмӣ баргузор гардид
Ангури Тоҷикистон ба вилояти Пензаи Русия содирот гардид
То 60 фоизи маҳсулоти кишоварзии Тоҷикистон дар вилояти Хатлон истеҳсол мегардад
Дар бунёди неругоҳи «Роғун» 20 ҳазор коргарону кормандони муҳандисию техникӣ фаъолият доранд
