Намояндагони Тоҷикистон дар Конфронси UNCCD COP17 дар Улан-Батор иштирок намуданд
ДУШАНБЕ, 24.08.2026 /АМИТ «Ховар»/. Ҳайати Ҷумҳурии Тоҷикистон дар иҷлосияи 17-уми Конфронси тарафҳои Конвенсияи Созмони Милали Муттаҳид /СММ/ оид ба мубориза бо биёбоншавӣ (UNCCD COP17), ки дар шаҳри Улан –Батор- пойтахти Муғулистон то 28 август идома меёбад, иштирок намуд. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Дар маросими ифтитоҳи COP17 Президенти Муғулистон Ухнаагийн Хурэлсух, муовини Дабири кулли Созмони Милали Муттаҳид Амина Муҳаммад ва Котиби иҷроияи Конвенсияи Созмони Милали Муттаҳид оид ба мубориза бо биёбоншавӣ Ясмин Фуад иштирок намуданд.
Дар кори иҷлосия Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода сухан намуда, аҳамияти ташаббусҳои ҷаҳонии Президенти Ҷумҳурии Тоҷикистон муҳтарам Эмомалӣ Раҳмонро дар соҳаҳои пиряхҳо, иқлим ва ҳифзи захираҳои об баён намуд.
Баҳодур Шерализода зарурати тақвияти минбаъдаи ҳамкории байналмилалӣ ва минтақавиро барои мубориза бо таназзули замин, биёбоншавӣ ва хушксолӣ таъкид карда, робитаи байни ин равандҳо ва тағйирёбии иқлим, захираҳои об ва устувории экосистемаро изҳор намуд.
Таваҷҷуҳи махсус ба ҳифзи пиряхҳо ҳамчун манбаъҳои муҳими оби ширин, истифодаи оқилона ва устувори захираҳои об, барқарорсозии заминҳои таназзулёфта ва ҳифзи экосистемаҳои кӯҳӣ зоҳир карда шуд.
Таъкид гардид, ки барои Тоҷикистон ҳамчун кишвари кӯҳӣ ва яке аз манбаъҳои асосии захираҳои об дар Осиёи Марказӣ масъалаҳои ҳифзи пиряхҳо аҳамияти хосса доранд.
Иштироки Тоҷикистон дар COP17 ба пешбурди ташаббусҳои миллӣ ва минтақавӣ, тақвияти ҳамкории байналмилалӣ ва мубодилаи таҷриба дар идоракунии устувори замин, баланд бардоштани устуворӣ ба хушксолӣ, тағйирёбии иқлим ва барқарорсозии экосистемаҳои таназзулёфта равона шудааст.
COP17 барои рушди минбаъдаи муколамаи байналмилалӣ ва ёфтани роҳҳои ҳалли амалӣ дар барқарорсозии замин, идоракунии устувори захираҳои табиӣ, баланд бардоштани устувории хушксолӣ ва тақвияти робитаи замин-об-иқлим платформаи муҳим фароҳам меорад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар ноҳияи Дӯстӣ ҷамъоварии шолӣ оғоз гардид
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
Хуршед Мирзо: «Иқдоми муҳими Тоҷикистон дар соҳаи инноватсия ва технологияҳои рақамӣ бунёди IT HUB DUSHANBE аст»
