Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
ДУШАНБЕ, 12.09.2026 /АМИТ «Ховар»/. 11 сентябр дар шаҳри Туркистони Ҷумҳурии Қазоқистон дар ҳошияи ҷаласаи прокурорҳои генералии кишварҳои узви Созмони Ҳамкории Иқтисодӣ Прокурори генералии Ҷумҳурии Тоҷикистон, Ҳабибулло Воҳидзода бо Прокурори генералии Ҷумҳурии Қазоқистон Берик Асилов мулоқот намуд.
Тавре ба АМИТ “Ховар” аз Прокуратураи генералии Ҷумҳурии Тоҷикистон хабар доданд, дар рафти мулоқот ҷонибҳо доираи васеи масъалаҳои ҳамкории дуҷонибаи ҳуқуқӣ ва тақвияти шарикии стратегӣ байни мақомоти прокуратураи ду кишварро баррасӣ карданд.
Таваҷҷуҳи хос ба амиқсозии ҳамкорӣ дар соҳаҳои мубодилаи иттилооти оперативӣ, истирдод, расонидани ёрии ҳуқуқӣ дар доираи парвандаҳои ҷиноятӣ, мубориза бо чолишҳо ва таҳдидҳои муосир, аз қабили терроризм, экстремизм, ҷиноятҳои киберӣ ва дигар ҷинояткории муташаккили фаромиллӣ зоҳир карда шуд.
Ҷонибҳо аз сатҳи баланди ҳамкории байниидоравӣ изҳори қаноатмандӣ карда, омодагии худро барои такмили минбаъдаи механизмҳои муштараки мубориза бо ҷинояткорӣ тасдиқ намуданд.
Ҳамчунин дар ҳошияи ҷаласа Прокурори генералии Ҷумҳурии Тоҷикистон Ҳабибулло Воҳидзода бо Прокурори генералии Туркманистон Бегмурат Муҳамедов мулоқот намуд.
Дар рафти сӯҳбат аз робитаҳои таърихӣ ва маънавии асрҳо, ки мардуми бародари ду кишварро муттаҳид месозанд, таъкид карда шуд.
Ҷонибҳо сатҳи баланди муносибатҳои дуҷонибаро, ки тавассути талошҳои муштарак ва иродаи сиёсии Роҳбарони давлатҳо ба даст омадаанд, таъкид карданд.
Инчунин ҷонибҳо масъалаҳои рушди ҳамкории байни мақомоти прокуратура, аз ҷумла ҳамоҳангсозии амалҳои муштарак ва мубодилаи таҷриба барои мубориза бо чолишҳои муосир ва таъмини амниятро баррасӣ карданд.
АКС аз Прокуратураи генералии Ҷумҳурии Тоҷикистон
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд
