Ҷашни 35-солагии Истиқлоли давлатиро дар шаҳру ноҳияҳои тобеи ҷумҳурӣ ба таври шукуҳманд таҷлил намуданд
ТУРСУНЗОДА, 09.09.2026 /АМИТ «Ховар»/. Дар шаҳру ноҳияҳои тобеи ҷумҳурӣ ҷашни 35-солагии Истиқлолияти давлатии Ҷумҳурии Тоҷикистон бо шукуҳу шаҳомати хосса таҷлил гардид. Дар ин хусус хабарнигори минтақавии АМИТ «Ховар» иттилоъ медиҳад.
Зимни чорабиниҳои тантанавӣ намояндагони Ҳукумати Ҷумҳурии Тоҷикистон дар шаҳру ноҳияҳо, меҳмонон аз ҷумҳурии дӯсту бародари Узбекистон ва хориҷиёне, ки дар Неругоҳи барқи обии «Роғун» фаъолият менамоянд, инчунин фаъолону ҷавонон бо дастовардҳои сокинон, намоиши ҳунарҳои мардумӣ ва хӯрокҳои миллӣ шинос шуданд.
Иброз гардид, ки хуршеди истиқлол дар партави сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон 35 сол аст, ки ба хонаи ҳар тоҷику тоҷикистонӣ равшанӣ бахшида, фазои амнияту осоиштагиро фароҳам сохтааст. Ҳама дастовардҳои бузурги миллати сулҳпарвару сулҳхоҳи тоҷик дар даврони навин маҳсули сиёсати хирадмандона, дурандешона ва фарҳангпарваронаи Президенти Ҷумҳурии Тоҷикистон муҳтарам Эмомалӣ Раҳмон мебошанд.
Дар шаҳру ноҳияҳои тобеи ҷумҳурӣ инчунин ба муносибати ҷашни 35-солагии Истиқлоли давлатӣ бо иштироки даҳҳо ҳазор сокинону фаъолон роҳпаймоии осоишта ва паради ҳарбӣ баргузор гардид. Дар ин чорабиниҳо сокинони ин шаҳру ноҳияҳо бо иштироки фаъолона бори дигар дӯст доштани Ватан-Модар ва гиромӣ доштани сулҳу суботи мамлакатамонро нишон доданд.
Зимни маҷлисҳои тантанавӣ бахшида ба ҷашни 35-солагии Истиқлоли давлатӣ як зумра фаъолон, кормандони ташкилоту муассисаҳо, соҳибкорону кишоварзон, шахсони фаъолу ободкор барои саҳми арзанда гузоштан дар рушди иҷтимоиву иқтисодии шаҳру ноҳияҳо бо Сипоснома, Ифтихорнома ва туҳфаҳои хотиравӣ сарфароз гардонида шуданд.
Чорабиниҳо дар фазои тантанавӣ ва руҳияи баланди ватандӯстӣ баргузор гардида, дар барномаи театрикунонида сарояндагони хушовози ансамблҳои «Фалак», «Гулшан», ҳунармандони маъруфи ҷумҳурӣ ва шаҳру ноҳияҳо бо сурудҳои дилнишин табъи тамошобинонро болида намуданд.
АКС: Мақомоти иҷроияи ҳокимияти давлатии шаҳру навоҳии тобеи ҷумҳурӣ
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
