Дар Бадахшон бахшида ба 35–солагии Истиқлоли давлатӣ гузашти низомӣ ва роҳпаймоии оммавӣ доир гардид
ДУШАНБЕ, 07.09.2026 /АМИТ «Ховар»/. Ба муносибати таҷлили 35–солагии Истиқлоли давлатии Ҷумҳурии Тоҷикистон дар Вилояти Мухтори Кӯҳистони Бадахшон гузашти низомӣ ва роҳпаймоии оммавӣ баргузор гардид. Дар роҳпаймоӣ беш аз 15 ҳазор сокинони вилоят, аз ҷумла калонсолон, ҷавонону занон, варзишгарон, омӯзгорон, устодону донишҷӯёни муассисаҳои таҳсилоти олии касбӣ, кормандони идораю муассисаҳои вилоятӣ ва шаҳрӣ, инчунин намояндагони сохторҳои қудратӣ иштирок намуданд.
Тавре ба АМИТ «Ховар» аз мақомоти иҷроияи ҳокимияти давлатии ин вилоят хабар доданд, иштирокчиён бо шиору овезаҳои ватандӯстона муҳаббат ба Ватан, арҷгузорӣ ба Истиқлоли давлатӣ, сулҳу субот ва ваҳдати миллиро ифода намуданд.
Зимни гузашти низомӣ иброз гардид, ки новобаста аз мушкилоти вазнини марҳилаи аввали соҳибистиқлолӣ миллати бостонии тоҷик таҳти роҳбарӣ ва роҳнамоии фарзонафарзанди миллат, Президенти Ҷумҳурии Тоҷикистон муҳтарам Эмомалӣ Раҳмон тавонист мушкилоти мавҷударо марҳила ба марҳила бартараф намуда, пояҳои давлатдории миллиро таҳким бахшад.
Гуфта шуд, ки дар даврони соҳибистиқлолӣ Қувваҳои Мусаллаҳи Тоҷикистон ва дигар ниҳодҳои қудратию ҳуқуқӣ ва амниятӣ таъсис ёфта, дар натиҷаи тадбирҳои муассири Ҳукумати мамлакат ва дастгирии ҳамаҷонибаи онҳо ин сохторҳо бо таҳкими заминаҳои кадрӣ, молиявӣ ва моддию техникӣ ба рукнҳои муҳими таъмини амният ва мудофиаи мамлакат табдил ёфтанд.
Бо дастгирии Ҳукумати Ҷумҳурии Тоҷикистон ва мақомоти иҷроияи ҳокимияти давлатии вилоят, шаҳру ноҳияҳои он барои фароҳам овардани шароити мусоид барои хизмати ҳарбӣ ва баланд бардоштани сатҳи омодагии хизматчиёни ҳарбӣ пайваста тадбирҳои зарурӣ амалӣ мешаванд.
Иштирокчиёни роҳпаймоӣ таъкид намуданд, ки баргузории чунин чорабиниҳои идона бозгӯи эҳсоси баланди ватандӯстӣ, худшиносии миллӣ ва арҷгузории сокинони вилоят ба Истиқлоли давлатӣ мебошад. Сокинони вилоят аз фазои орому осудаи мамлакат, сулҳу субот ва ваҳдати миллӣ шукргузорӣ намуда, барои сиёсати созанда ва роҳнамоии хирадмандонаи Пешвои миллат муҳтарам Эмомалӣ Раҳмон дар роҳи бунёдкорию созандагӣ ва таваҷҷуҳу ғамхориҳои пайваста нисбат ба рушди вилоят сипоси самимии худро баён менамоянд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар вилояти Суғд беш аз 15 ҳазор иншоот бунёд гардидааст
Дар ноҳияи Восеъ муассисаҳои таълимӣ навсозӣ карда мешаванд
Нақшаи буҷети суғуртаи иҷтимоӣ ва нафақа дар вилояти Суғд беш аз 100 фоиз иҷро гардид
Дар ноҳияи Бобоҷон Ғафуров сохтмони бинои нави муассисаи таълимӣ идома дорад
Дар ноҳияи Ёвон навсозии иншооти варзишӣ ва сохтмони муассисаҳои томактабӣ вусъат меёбад
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат коргоҳи коркарди моҳии ҶДММ «Баҳор»-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат ба таври фосилавӣ 16 иншооти таъиноти гуногунро ба истифода доданд
Сарвари давлат Эмомалӣ Раҳмон дар шаҳри Ваҳдат корхонаи истеҳсолии «Алянс мебел»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат аз намоиши маҳсулоти кишоварзӣ, ҳунарҳои мардумӣ ва таомҳои миллӣ дидан намуданд
Пешвои миллат Эмомалӣ Раҳмон ба татбиқи лоиҳаи барқарорсозии роҳи мошингарди «Ваҳдат – Оби Гарм» оғоз бахшиданд
Сарвари давлат Эмомалӣ Раҳмон дар шаҳри Ваҳдат маркази ташхисӣ ва табобатии «Лормед»-ро ба истифода доданд
ИМРӮЗ–РӮЗИ ИТТИФОҚҲОИ КАСАБА. Беш аз 15 ҳазор аъзои иттифоқи касаба ба солимгардонӣ фаро гирифта шуданд
