Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
ДУШАНБЕ, 08.09.2026 /АМИТ «Ховар»/. 7 сентябр дар шаҳри Душанбе бахшида ба ҷашни 35–солагии Истиқлоли давлатӣ мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Мусобиқа аз 7 то 12 сентябр идома ёфта, дар он намояндагони Тоҷикистон, Узбекистон, Қирғизистон, Қазоқистон, Корея, Ҳиндустон, Малайзия, Чехия, Беларус, Федератсияи Русия, Ҷумҳурии Мардумии Чин, Иёлоти Муттаҳидаи Амрико ва Ҷумҳурии Исломии Эрон иштирок доранд.
Зимни ифтитоҳи мусобиқа муовини Сарвазири Ҷумҳурии Тоҷикистон Дилрабо Мансурӣ иброз намуд, ки рушди арзиши касбӣ ва оммавӣ, фароҳам овардани шароити мусоид барои машқу тамрини варзишгарон ва иштироки онҳо дар мусобиқаҳои байналмилалӣ яке аз самтҳои муҳими сиёсати давлатии соҳаи варзиш ба ҳисоб меравад.
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» яке аз чорабиниҳои муҳими варзишӣ буда, барои таҳкими мавқеи теннис дар мамлакат, баланд бардоштани маҳорати варзишгарон, ҷалби наврасону ҷавонон ба ин навъи варзиш ва дастгирии истеъдодҳои ҷавон аҳамияти муҳим дорад.
Дар доираи он теннисбозон барои ба даст овардани унвони ғолиб ва «Ҷоми Президенти Ҷумҳурии Тоҷикистон» рақобат менамоянд. Баргузории ин мусобиқаи байналмилалӣ баёнгари таваҷҷуҳи пайваста ба рушди соҳаи варзиш ва тақвияти ҳамкории байналмилалии варзишӣ мебошад.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
