ТАҚВИМИ АМИТ «ХОВАР»: имрӯз 24 сентябр, панҷшанбе, 267-умин рӯзи соли 2026 аст

24 сентябри соли 2009 дар Иёлоти Муттаҳидаи Амрико байни Президенти Ҷумҳурии Тоҷикистон муҳтарам Эмомалӣ Раҳмон ва ҳамватанони бурунмарзие, ки дар Амрико кору зиндагӣ мекунанд, суҳбати озод баргузор гардид.

***

24 сентябри соли 2010 дар шаҳри Ню-Йорк Президенти Ҷумҳурии Тоҷикистон муҳтарам Эмомалӣ Раҳмон бо намояндаи махсуси Иёлоти Муттаҳидаи Амрико  оид ба Афғонистон, Сарвазири Ҷопон ва Сарвазири Тайиланд мулоқот анҷом доданд.

***

24 сентябри соли 2020 дар деҳаи Тосқалъаи деҳоти Миралӣ Маҳмадалиеви ноҳияи Восеи вилояти Хатлон Президенти Ҷумҳурии  Тоҷикистон муҳтарам Эмомалӣ Раҳмон дар вазъияти тантанавӣ бо буридани лентаи рамзӣ Муассисаи таҳсилоти миёнаи умумии №15-ро мавриди истифода қарор доданд.

***

24 сентябри соли 2024 Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ню-Йорк дар мубоҳисаҳои 79-уми умумии Маҷмаи Умумии Созмони Милали Муттаҳид иштирок ва суханронӣ намуданд.

***

24 сентябри соли 2024 Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ню-Йорк бо Валиаҳди Давлати Кувайт Шайх Сабоҳ ал-Холид Ал-Ҳамад ал-Муборак Ал-Сабоҳ мулоқот намуданд.

***

24 сентябри соли 2024 Президенти Ҷумҳурии Тоҷикистон  муҳтарам Эмомалӣ Раҳмон дар доираи мубоҳисаҳои Маҷмаи Умумии Созмони Милали Муттаҳид бо Амири Давлати Қатар шайх Тамим ибни Ҳамад оли Сонӣ суҳбат намуданд.

***

23 сентябри соли 2025 Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ню-Йорк дар мубоҳисаҳои иҷлосияи 80-уми Маҷмаи Умумии Созмони Милали Муттаҳид иштирок ва суханронӣ намуданд.

***

23 сентябри соли 2025 дар фароварди сафар ба шаҳри Ню-Йорк Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Фаронса муҳтарам Эммануэл Макрон мулоқот намуданд.

24 СЕНТЯБР:

Рӯзи ҷаҳонии баҳр

***

Дар Камбоҷа – Рӯзи Конститутсия.

РӮЙДОДҲО:

24 сентябри соли 1923 маҷмааи табъу нашри «Московская правда» таъсис дода шуд.

***

 24 сентябри соли 1948 ширкати «Хонда мотор» («Honda Motor Co») таъсис ёфт.

***

Дар ин рӯзи соли 1968 Свазиленд ба узвияти Созмони Милали Муттаҳид қабул карда шуд.

***

24 сентябри соли 1972 дар раъйпурсии Норвегия 53,5% иштирокдорон ба муқобили дохилшавии мамлакат ба Иттиҳоди иқтисодии Аврупо овоз доданд.

***

Дар ин рӯзи соли 2004  дар шаҳри Москваи Федератсияи Русия нависандаи тоҷик Темур Зулфиқоров бо ҷоизаи адабиёти Русия- «Марғзори равшан» сарфароз гардонида шуд.

***

24 сентябри соли 2009 дар пойтахти Молдова – шаҳри Кишинев Форуми 4-уми эҷодӣ ва илмии зиёиёни давлатҳои аъзои Иттиҳоди Давлатҳои Мустақил баргузор гардид.

ИНЧУНИН ДАР ИН РӮЗ…

 Соли 1953 дар Ҳолливуд аввалин филми манзаравӣ ба намоиш гузошта шуд.

***

Соли 1998 дар Фаронса аввалин маротиба ҷарроҳии насб кардани дасти як нафар ба шахси дигар анҷом дода шуд.