Таъсиси Маркази миллии маълумоти зондкунии фосилавии Замин дар шаҳри Душанбе баррасӣ шуд
ДУШАНБЕ, 12.09.2026 /АМИТ «Ховар»/. Масъалаҳои густариши ҳамкорӣ дар самти технологияҳои кайҳонӣ, зондкунии фосилавии Замин, истифодаи маълумоти моҳвораӣ ва таъсиси Маркази миллии маълумоти зондкунии фосилавии Замин дар шаҳри Душанбе дар вохӯрии Сардори Хадамоти алоқаи назди Ҳукумати Ҷумҳурии Тоҷикистон Исфандиёри Саъдулло бо муовини ширкати China Great Wall Industry Corporation (CGWIC) Ҷао Чунчао ва дигар намояндагони роҳбарикунандаи ин ширкат баррасӣ гардиданд.
Тавре ба АМИТ «Ховар» аз Хадамоти алоқаи назди Ҳукумати Ҷумҳурии Тоҷикистон хабар доданд, дар ҷараёни вохӯрӣ ҷонибҳо оид ба имконияти рушди ҳамкорӣ дар самти истифодаи технологияҳои муосири кайҳонӣ ва маълумоти моҳвораӣ табодули афкор намуданд.
Иброз гардид, ки татбиқи лоиҳаи таъсиси Маркази миллии маълумоти зондкунии фосилавии Замин дар шаҳри Душанбе метавонад дар рушди низоми мониторинги равандҳои табиӣ ва экологӣ, аз ҷумла назорати ҳолати пиряхҳо, арзёбии захираҳои обӣ ва пешгирии оқибатҳои офатҳои табиӣ саҳми муҳим гузорад.
Рушди ҳамкорӣ бо ширкатҳои соҳавии байналмилалӣ дар самти технологияҳои кайҳонӣ барои татбиқи усулҳои муосири ҷамъоварӣ ва таҳлили маълумот, қабули қарорҳои асоснок ва таҳкими иқтидори технологӣ заминаи мусоид фароҳам меорад.
АКС: Хадамоти алоқаи назди Ҳукумати Ҷумҳурии Тоҷикистон
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
Хуршед Мирзо: «Иқдоми муҳими Тоҷикистон дар соҳаи инноватсия ва технологияҳои рақамӣ бунёди IT HUB DUSHANBE аст»
«Барномаи давлатии рушди маърифат ва фарҳанги экологии аҳолии Ҷумҳурии Тоҷикистон барои солҳои 2026-2030» қабул гардид
Дар Душанбе натиҷаҳои миллии Шарҳи чоруми фаъолияти экологӣ дар Ҷумҳурии Тоҷикистон муаррифӣ шуданд
Дар Давҳа тақвияти ҳамкории Тоҷикистон бо AIIB баррасӣ гардид
Дар доираи Форуми Sibos 2026 рушди ҳамкории Бонки миллии Тоҷикистон бо Commerzbank AG баррасӣ шуд
