Ҷавонони шаҳри Ваҳдатро бо дуои неки модарон ба сафи Артиши миллӣ гусел намуданд

Октябрь 2, 2026 12:04

ВАҲДАТ, 02.10.2026 /АМИТ «Ховар»/. Дар асоси Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1999-2008» дар қисми низомии Вазорати мудофиаи Ҷумҳурии Тоҷикистон дар шаҳри Ваҳдат маъракаи гусели наваскарон ба сафи Қувваҳои Мусаллаҳи Ҷумҳурии Тоҷикистон баргузор гардид. Дар ин хусус ба хабарнигори минтақавии АМИТ «Ховар» аз Мақомоти иҷроияи ҳокимияти давлатии шаҳри Ваҳдат иттилоъ доданд.

Бояд гуфт, ки дар рӯзи якуми даъвати ҳарбӣ падару модарон бо дуои хайр ва ифтихор аз ҳимояи Ватан ҷавононро барои иҷрои сарбаландонаи қарзи фарзандӣ ба сафи Артиши миллӣ гусел намуданд.

Дар ҳамоиш иброз гардид, ки «хизмат ба Ватан–Модар бояд барои ҳар ҷавон ифтихору шараф бошад. Ватанро мисли модари хеш дӯст доштан ва мисли гавҳараки чашм эҳтиёт намудан қарзи ҳар фарзанди миллат аст.

Ватан муқаддастарин ганҷи ҳастӣ ва истиқлол неъмати бебаҳои миллат аст. Хизмат дар сафи Артиши миллӣ барои ҷавонон мактаби ҳаёт, мактаби ҷасорату мардонагӣ мебошад. Онҳо маҳз дар давраи хизмат имкон доранд, ки моҳияти Ватан, давлат ва миллат ба хубӣ дарк карда, сабақи далериву шуҷоат ва садоқат омӯзанд».

Мақомоти иҷроияи ҳокимияти давлатии шаҳри Ваҳдат дар пайравӣ ба иқдомҳои шоистаи давлату Ҳукумати Тоҷикистон барои дастгирии ҷавонон тадбирҳои зарурӣ андешида, дар ҳама маврид ташаббусҳои ҷавононро дастгирӣ менамояд. Аз ин рӯ 240 ҷавон бо дастгирии Мақомоти иҷроияи ҳокимияти давлатии шаҳри Ваҳдат ва 30 нафар аз ҳисоби Вазорати мудофиаи Тоҷикистон даври омӯзишии ронандагии Ташкилоти ҷамъиятии «Мададгори мудофиа»-ро хатм намуданд. Онҳо дар ин рӯз соҳиби шаҳодатномаҳои ронандагӣ гардида, ҳамчун мутахассис-ронанда ба сафи Артиши миллӣ равона шуданд.

Даъватшавандагони шаҳри Ваҳдат иброз доштанд, ки «ифтихор ва масъулияти бузург аст, ки мо, ҷавонон ба боварӣ ва эътимоди Сарвари давлат муҳтарам Эмомалӣ Раҳмон мушарраф шудаем. Вақте ки Пешвои миллат ояндаи Тоҷикистонро ба ҷавонон бовар намудаанд, гумон мекунем хизмати аввалиндараҷаи мо- ин ба сафи Артиши миллӣ ҳамроҳ гардидан аст. Бояд ҷавонон фаромӯш накунанд, ки хизмати Ватан қарзи имонӣ ва ҷавонмардии ҳар яки мост!».

Дар анҷоми ҷамъомад дастаи ҳаваскорони шуъбаи фарҳанги шаҳри Ваҳдат барномаи ҷолиби ҳунариро манзури ҳозирин намуд.

АКС: Мақомоти иҷроияи ҳокимияти давлатии шаҳри Ваҳдат

Октябрь 2, 2026 12:04

Хабарҳои дигари ин бахш

Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст