Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
ДУШАНБЕ, 12.10.2026 /АМИТ «Ховар»/. Дар доираи татбиқи амалии Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ (2026) бахшида ба 35-солагии Истиқлолияти давлатии Ҷумҳурии Тоҷикистон дар Ҷамоати деҳоти Алмосии шаҳри Ҳисор мумфаршкунии беш аз 3,5 километр роҳи автомобилгард оғоз гардид.
АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад, ки роҳи мазкур 3,5 километрро ташкил дода, солҳои дароз барои равуои сокинон мушкилӣ эҷод мекард. Навсозӣ ва мумфаршкунии ин қисмати роҳ бо саҳми арзандаи соҳибкорони бонангу ор ва сокинони деҳот амалӣ карда мешавад. Ин ташаббус на танҳо сифати роҳро беҳтар мегардонад, балки равуои сокинону меҳмонони деҳоти Алмосиро осон намуда, ба беҳтар шудани инфрасохтори деҳот замина мегузорад.
Дар маросими оғози корҳои мумфаршкунӣ гуфта шуд, ки обод кардани роҳу пулҳо ва беҳтар намудани шароити зиндагии мардум дар деҳоти дурдаст яке аз ҳадафҳои асосии сиёсати созандаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон мебошад.
Иброз гардид, ки саҳми соҳибкорону сокинони бонанги Ҷамоати деҳоти Алмосӣ дар корҳои ободонӣ ибратбахш аст. Маҳз бо заҳмати аҳлона, ҳисси баланди ватандӯстӣ ва худшиносии миллии мардум дар баробари роҳҳои дорои аҳамияти ҷумҳуриявиву байнишаҳрӣ роҳҳои дурдасттарин деҳаҳо низ таъмиру мумфарш карда мешаванд.
АКС: Мақомоти иҷроияи ҳокимияти давлатии шаҳри Ҳисор
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
