Имрӯз дар ноҳияҳои алоҳидаи кӯҳии Тоҷикистон борон меборад

ДУШАНБЕ, 02.11.2026 /АМИТ «Ховар»/. Имрӯз дар ҷумҳурӣ ҳавои тағйирёбанда  дар назар буда, дар ноҳияҳои алоҳидаи кӯҳӣ бориши борон  пешгӯӣ мешавад. Дар ин хусус АМИТ «Ховар» бо истинод ба Агентии обуҳавошиносӣ хабар медиҳад.

Дар Вилояти Мухтори Кӯҳистони Бадахшон ҳавои тағйирёбанда пешгӯӣ шуда, дар баъзе ноҳияҳо бориши борон ва барф дар назар аст.  Шамол аз самти ғарб бо суръати 4-9, дар баъзе ноҳияҳо бо шиддати то 10-15 метр дар як сония мевазад. Ҳаво дар ғарби вилоят шабона аз 1 дараҷа хунук то 4 дараҷа гарм, дар баъзе ноҳияҳо то 7+9 дараҷа гарм, рӯзона 8+13 дараҷа гарм, дар баъзе ноҳияҳо то 15+17 дараҷа гарм, дар шарқи вилоят шабона 6-8 дараҷа хунук ва рӯзона 0+5 дараҷа гарм мешавад.

Дар вилояти Суғд ҳавои тағйирёбандаи бебориш пешгӯӣ мешавад. Шамол аз самти ғарб бо суръати 4-9,  дар баъзе ноҳияҳо то 10-15 метр дар як сония мевазад. Ҳаво дар водиҳо шабона 6+11 дараҷа гарм, рӯзона 15+20 дараҷа гарм, дар ноҳияҳои кӯҳӣ шабона аз 1 дараҷа хунук то 4  дараҷа гарм ва рӯзона 6+11 дараҷа гарм мешавад.

Дар вилояти Хатлон ҳавои тағйирёбанда шуда, дар гурӯҳи ноҳияҳои минтақаи Кӯлоб бориши  борон дар назар аст. Дар гурӯҳи ноҳияҳои минтақаи Бохтар ҳавои бебориш пешгӯӣ мешавад. Шамол аз самти ғарб бо суръати 2-7,  дар баъзе ноҳияҳо бо шиддатнокии то 7-12 метр дар як сония мевазад. Ҳаво дар водиҳо шабона 8+13 дараҷа гарм, рӯзона 20+25 дараҷа гарм, дар ноҳияҳои доманакӯҳӣ шабона 6+11 дараҷа ва рӯзона 12+17 дараҷа гарм мешавад.

Дар ноҳияҳои тобеи ҷумҳурӣ ҳавои тағирёбанда, дар ноҳияҳои алоҳидаи кӯҳӣ борони кӯтоҳмуддат (дар баландиҳои зиёда аз 2000 метр аз сатҳи баҳр барф) меборад. Шамол аз самти ғарб бо суръати 2-7, дар ноҳияҳои алоҳида то 7-12 метр дар як сония мевазад. Ҳаво дар водиҳо шабона 7+12 дараҷа гарм, рӯзона 18+23 дараҷа гарм, дар ноҳияҳои кӯҳӣ шабона 2+7 дараҷа гарм ва  рӯзона 11+16 дараҷа гарм мешавад.

Дар шаҳри Душанбе ҳавои тағирёбанда бебориш пешгӯӣ мешавад. Шамол аз самти ғарб бо суръати 2-7,  дар баъзе ҳолатҳо то 7-12 метр дар як сония мевазад. Ҳаво шабона 9+11 дараҷа ва рӯзона 20+22 дараҷа гарм мешавад.