فرمان رئیس جمهوری تاجیکستان

امامعلی رحمان، رئیس جمهوری تاجیکستان با صدور فرمانی سربازان و افسران زمان خدمت سربازی اشان پایان یافته را رخصت داده، افراد جدیدرا برای خدمت در صفوف ارتش کشور به سربازی دعوت کرد.

در این فرمان که شامل 6 بند است، از جمله تاکید شده است:

1. سربازان و افسرانی که زمان مقررگردیده خدمت سربازی را انجام داده اند، ماه های اکتبر- نوامبر سال 2017 از صف نیروهای مسلح جمهوری تاجیکستان، نیروهای مرزبانی کمیته دولتی امنیت ملی جمهوری تاجیکستان، گارد ملی جمهوری تاجیکستان، نیروهای داخلی وزارت کشور جمهوری تاجیکستان، نیروهای دفاع شهروندی کمیته وضع اضطراری و مدافعه‌ شهروندی وابسته حکومت جمهوری تاجیکستان و گروه نگهبان سرریاست اجرای جزای جنای وزارت عدلیه جمهوری تاجیکستان به احتیاط رخصت داده شوند.

2. ماه های اکتبر – نوامبر سال 2017 شهروندان جنس مرد تا روز دعوت به سن 18- ساله رسیده، اینچنین شهروندان سن بزرگتر جمهوری تاجیکستان که حقوق به تاخیر انداختن زمان دعوت یا آزاد بودن از دعوت به خذمت سربازی را ندارند، برای خذمت به صف نیرو‌های مسلح جمهوری تاجیکستان، نیروهای مرزبانی کمیتة دولتی امنیت ملی جمهوری تاجیکستان، گارد ملی جمهوری تاجیکستان، نیروهای داخلی وزارت کشور جمهوری تاجیکستان، نیروهای مدافعه‌ شهروندی کمیتة وضع اضطراری و مدافعه‌ شهروندی وابسته حکومت جمهوری تاجیکستان و گروه نگهبان سرریاست اجرای جزای جنایتی وزارت عدلیة جمهوری تاجیکستان دعوت کرده شوند.

3. وزارت دفاع‌ جمهوری تاجیکستان، رئیسان کمیسیون دعوت استان مختار کوهستان بدخشان، استانها، شهر دوشنبه و شهر و نوحی دعوت شهروندان را از حساب دعوتشوندگان به طور مشخص انتخاب‌شده به نیروهای مرزبانی گورد ملی و قسم های نظامی تعیینات مخصوص، با نظرداشت خصوصیت خاص خذمت در این واحدها و در نوبه اول تکمیل آنها با اشتراک نمایندگان مقامات امنیت و کارهای داخلی عملی نمایند.

4. رئیسان شهر و نواحی با درک مسئولیت همراه با کمیساری های نظامی برای عملی نمودن مقررات ماده 23 قانون جمهوری تاجیکستان «در باره عهده‌داری عمومی حربی و خدمت سربازی» دعوت شهروندان را به خذمت سربازی راه اندازی کنند.

5. وزارت فرهنگ جمهوری تاجیکستان، کمیته جوانان و ورزش وابسته حکومت جمهوری تاجیکستان، کمیته تلویزیون و رادیو وابسته حکومت جمهوری تاجیکستان آمادگی و جریان دعوت شهروندان را به خدمت سربازی به طور وسیع انعکاس نموده، خدمت سریازی را در نیرو‌های مسلح جمهوری تاجیکستان همچون وظیفة مقدس هر شهروند جمهوری تاجیکستان ترغیب و تشویق نمایند.

6. وزارت بهداشت و حفظ اجتماعی اهالی جمهوری تاجیکستان برای معاینه نظارتی طبی دعوتشوندگانی که از جانب کمیسیون دعوت استان مختار کوهستان بدخشان، استانها، شهر دوشنبه و شهر و نواحی تابع جمهوری دعوت شده‌اند، طبیبان و متخصصان باتجربه را سفربر نماید