آغاز سفر کاری پیشوای ملت امامعلی رحمان به استان سغد

صبح امروز بنیان‌گذار صلح و وحدت ملی – پیشوای ملت محترم امامعلی رحمان، رئیس جمهوری تاجیکستان با قصد شرکت در طنطنه‌های عیدانه جشن 25-مین سالگرد شانزدهمین اجلاس تاریخی شورای عالی جمهوری تاجیکستان، افتتاح چند ساختمان مهم و صحبت و ملاقات با مردم با سفر کاری به استان سغد تشریف آوردند.

رهبریت و نمایندگان جوانان استان سغد سرور خردمند تاجیکان، پیشوای ملت محترم امامعلی رحمان را در فرودگاه بین‌المللی خجند با سربلندی استقبال گرفتند.

یادآور می‌شویم، که هنوز 25 سال قبل در شانزدهمین اجلاس تاریخی شورای عالی جمهوری تاجیکستان، که از 16 نوامبر الی 2 دسامبر در قصر مدنیت به نام سعیدخوجه اورونخوجه‌یف، معروف به قصر ارباب برگزار گردیده بود، با اراده تمامی نمایندگان شورای عالی امامعلی رحمان، سیاستمدار عاقل و خردمند رئیس شورای عالی تاجیکستان-رئیس جمهور کشورمان انتخاب گردید.

به مناسبت تجلیل این رویداد مهم تاریخی و تقدیرساز با اشتراک پیشوای ملت محترم امامعلی رحمان نشست طنطنه ای برگزار می‌گردد و همچنین در شهر و نواحی استان سغد چند ساختمان مهم مورد بهره‌برداری قرار داده می‌شوند.

نمایندگان اهل جامعه تاجیکستان و در ردیف آنها نمایندگان اهل سیاست و فرهنگ و ضیائیان پیشوای ملت محترم امامعلی رحمان را همچون معمار صلح و وحدت و نجاتبخش ملت و بنیان‌گذار دولت نوین تاجیکان با صمیمیت افزون و مهر و محبت بی‌پایان استقبال گرفتند.