مشورت کاری در حضور پیشوای ملت امامعلی رحمان

امروز 9 ژوئیه در کاخ ملت بنیان‌گذار صلح و وحدت ملی – پیشوای ملت محترم امامعلی رحمان، رئیس جمهوری تاجیکستان در جضور معاون نخست وزیر کشور، رئیس شهر دوشنبه، رئیسان نواحی سهر دوشنبه و رهبران چند وزارت و اداره‌ها در مورد آمادگی به جشن 30-مین سالگرد استقلالیت دولتی جمهوری تاجیکستان، وضع امور آبادانی، بنیادکاری و آمادگی عرصه‌های اجتماعی به موسم زمستان سالهای 2018-2019 در شهر دوشنبه، مشورت کاری برگزار کردند.

در مشورت گزارش عظیم ابراهیم، معاون نخست وزیر کشور، نماینده رئیس جمهوری تاجیکستان در شهر دوشنبه برای آماده کردن پایتخت به جشن 30-مین سالگرد استقلالیت دولتی جمهوری تاجیکستان در مورد جریان اجرای امور شنیده شد.

تأکید گردید، که تا امروز برای اجرای دستورات پیشوای ملت محترم امامعلی رحمان در همکاری با رهبریت مقامات اجرائیه حاکمیت دولتی شهر دوشنبه طرح مراسم آماده گردیده، فهرست تعداد ساختمان های جشنی ترتیب داده شده است.

محترم امامعلی رحمان، رئیس جمهوری تاجیکستان به حکومت کشور و رهبریت مقامات اجرائیه حاکمیت دولتی شهر دوشنبه برای توسعه امور آبادانی، سازندگی، تأمین نظافت محیط زیست، در باغهای فرهنگی-تفریحی کاشت گل و بته‌های آرایشی، اجرای امور ساخت و ساز، تعمیر و تجدید مؤسسه‌های عالی و متوسط تعلیمی و آمادگی آنها به سال جدید خوانش، تعمیر جارده های محلی، بهبود شرایط کار در مراکز بهداشتی و دسترسی مردم به خدمات طبی، دستورات مشخص دادند.

دستور داده شد، که برای سزاوار استقبال گرفتن 30-مین سالگرد استقلالیت دولتی تاجیکستان باید از امورز امور آبادانی و سازندگی به راه مانده شده، با شرکت فعال مردم در شهر دوشنبه پروژه های جدید و معاصر احداث و مورد بهره برداری قرار داده شود.

آمادگی به موسم زمستان سال های 2018-2019، تأمین ساختمان های پایتخت با گرمی و نیروی برق، ذخیره لازم مواد غذای و مواد سوخت از دستورات دیگر پیشوای ملت به رهبریت مقامات اجرائیه حاکمیت دولتی شهر دوشنبه بود.

مورد ذکر است، که با امر رئیس جمهوری تاجیکستان از حساب اعضای کابینه دولت تاجیکستان، رهبران ساختارهای دولتی گروه های کاری تأسیس داده شده، آنها در همکاری با مقامات اجرائیه حاکمیت دولتی استان ها، شهر و نواحی و شرکت فعال صاحبکاران وطن‌دوست الَکَی در سراسر کشور امور بنیادکاری را به خاطر استقبال سزاوار جشن 30-مین سالگرد استقلالیت دولتی آغاز کرده‌اند.