Нозирони тоҷик ҷараёни баргузории интихоботи президентиро мушоҳида менамоянд
ДУШАНБЕ, 09.02.2017/АМИТ «Ховар»/. Ҳайати нозирони тоҷик ҷараёни баргузории интихоботи Президенти Туркманистонро, ки якшанбе 12 феврали соли 2017 доир мегардад, мушоҳида менамоянд. Дар ин хусус ба АМИТ «Ховар» Абдуманнон Додозода, роҳбари дастгоҳи Комиссияи марказии интихобот ва раъйпурсии Ҷумҳурии Тоҷикистон иттилоъ дод. Мавсуф зикр кард, ки ҳайати нозирони тоҷик, ки ба он Зиё Раҳмон, аъзои Комиссияи марказии интихобот ва раъйпурсии Ҷумҳурии Тоҷикистон шомил аст, дар ҳайати нозирони Иттиҳоди Давлатҳои Мустақил ҷараёни баргузории маъракаи муҳими сиёсии Туркманистон- интихоботи президентиро мушоҳида менамояд.
Бояд тазаккур дод, ки дар интихоботи президентии Туркманистон бори нахуст се ҳизби сиёсии ин кишвар- Ҳизби демократӣ ё ҳоким, ки роҳбариашро Президенти феълии Туркманистон Гурбонгулӣ Бердимуҳаммадов ба уҳда дорад, Ҳизби саноатчиёну соҳибкорон ва Ҳизби аграрии Туркманистон, инчунин шаш номзади дигар, ки аз ҷониби гурӯҳҳои ташаббускор пешбарӣ гардидаанд, ширкат менамоянд.
Мавриди зикр аст, ки тибқи ворид намудани тағйиру иловаҳо ба Конститутсияи Туркманистон муҳлати ваколати Президент дар ин кишвар аз панҷ ба ҳафт сол дароз карда шуд. Тибқи қонунгузории ин кишвар, шаҳрвандоне ба мансаби президентӣ пешбарӣ карда мешаванд, ки дар Туркманистон таваллуд шудаанд, синнашон аз 40 болост, забони давлатиро медонанд ва тӯли 15 соли охир дар ин кишвар кор ва истиқомат кардаанд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
