ФУТБОЛ: дастаи мунтахаби ҷавонони Тоҷикистон (U-19) ба Индонезия рафт

ДУШАНБЕ. 10.10.2018 /АМИТ «Ховар»/.  Дирӯз дастаи мунтахаби ҷавонони  то 19-солаи Тоҷикистон оид ба футбол таҳти роҳбарии Мубин Эргашев барои тайёрии охирин ба бозиҳои финалии Чемпионати Осиё-2018 ба Индонезия сафар кард ва ҳамакнун якбора дар Чемпионати Осиё -2018, ки дар ҳамин кишвар аз 18-уми октябр то 4-уми ноябр гузаронида мешавад, иштирок хоҳад кард.

Футболбозони тоҷик дар гурӯҳи «D» бо дастаҳои мунтахаби Чин (20-уми октябр), Малайзия (23-юми октябр) ва Арабистони Саудӣ (26-уми октябр) қувва меозмоянд.  Ҳамаи  бозиҳои мунтахаби Тоҷикистон дар варзишгоҳи «Патриот Сандрабага»-и шаҳри Бекаси баргузор мегарданд.

Аз рӯи низомнома аз ҳар гурӯҳ ду дастаи беҳтарин ба бозиҳои ¼- ниҳоӣ роҳхат мегиранд. Дар сурати ба даври минбаъда баромадани дастаи мунтахаби Тоҷикистон футболбозони мамалакат бо яке аз дастаҳои гурӯҳи “С” вориди рақобат мешаванд.

Ёдовар мешавем, ки 4 дастаи беҳтарини Чемпионати Осиё   ба бозиҳои финалии Чемпионати ҷаҳон-2019, ки дар Полша гузаронида мешавад, иштирок мекунанд.

Ҳайати дастаи мунтахаби ҷавонони Тоҷикистон (U-19) барои иштирок дар бозиҳои финалии Чемпионати Осиё-2018 чунин аст::

Дарвозабонҳо: Шоҳрух Қирғизбоев, Ҳомидҷон Исоқов (аз «Барқчӣ»), Меҳвар Сулаймонов (озод аст);

Муҳофизатгарон: Алишер Баротов, Наимдҷон Иброҳимзода (аз  «Хатлон»), Ҳусейн Нурматов, Султоншо Мирзоев, Ваҳдат Ҳанонов, Ҳувайдои Гулмурод, Оятулло Сафаров, Манучеҳр Сафаров, Маҳмадзарифи Абдураҳим (аз  «Барқчӣ»);

Нимҳимоятгарон: Эҳсони Пандҷшанбе («Истиқлол»), Кароматулло Саидов, («Хатлон»), Шарафҷон Солехов, Абдулмумин Забиров, Саидмухтор Азимов, Шервони Мабатшоев, Далер Ёдгоров, Зиёвуддин Фузайлов (аз  «Барқчӣ»);

Ҳамлагарон: Шериддин Бобоев («Истиқлол»), Нуриддин Ҳамроқулов, Тоҳир Малодустов (аз «Барқчӣ»).

Чемпионати Осиё-2018 байни ҷавонон (U-19)

Гурӯҳи «D»

Даври 1

20 октябр

14:00* – Арабистони Саудӣ – Малайзия

17:00 – Тоҷикистон – Чин

Даври 2

23 октябр

14:00 – Чин  – Арабистони саудӣ

17:00 – Малайзия – Тоҷикистон

Даври 3

26 октябр

17:00 – Арабистони Саудӣ – Тоҷикистон

17:00 – Чин – Малайзия

*Эзоҳ: соати баргузории бозиҳо бо вақти Душанбе нишон дода шудаанд .