ПАЙРАВӢ БА ТАШАББУСИ БАШАРДӮСТОНАИ ПЕШВОИ МИЛЛАТ. Раиси шаҳри Душанбе ба 5 ҳазор оилаҳои эҳтиёҷманду камбизоат, маъюбон ва беморон кумаки моддӣ расониданд

Май 22, 2020 09:12

ДУШАНБЕ, 22.05.2020. /АМИТ «Ховар»/. 21  май дар пайравӣ бо ташаббусу иқдомҳои башардӯстонаи Пешвои миллат дар арафаи Иди саиди фитр аз ҷониби  Раиси шаҳри Душанбе муҳтарам Рустами Эмомалӣ ба 5 ҳазор  оилаҳои эҳтиёҷманду камбизоат, маъюбону беморон ва ятимону бепарасторон кумаки моддӣ  расонида шуд, хабар медиҳад АМИТ «Ховар» бо истинод ба Раёсати иттилоот ва робитаҳои хориҷии дастгоҳи Раиси шаҳри Душанбе.

Кумаки   Раиси шаҳр  аз 500   тонна маводи ғизоӣ  иборат буда,  маблағи умумии он  зиёда аз 2,5  миллион сомониро ташкил медиҳад.

Аз давраи бақайдгирии нахустин ҳолати  сироятёбии  сокинони пойтахт ба бемории коронавируси намуди нави COVID-19 роҳбарияти мақомоти иҷроияи ҳокимияти давлатии шаҳри Душанбе барои дастгирию кумаки саривақтии кормандони соҳаи тиб, беморону   парасторони  онҳо, эҳтиёҷмандон,  пешгирӣ аз  паҳншавии бемориҳои сироятӣ, тақвияти корҳои безараргардонӣ ва  таъмини мунтаззами муассисаҳои тандурустии пойтахт бо доруворию лавозимоти зарурии тиббӣ  тадбирҳои таъхирнопазир андешида, дастуру супоришҳои  Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар ин самт пайваста амалӣ менамояд.

Раиси шаҳри Душанбе ҳамчунин барои дар ин рӯзҳои мушкил ба кор баромада, сари вақт тоза намудани роҳҳои шаҳри Душанбе ба беш аз 2800 нафар кормандони муассисаҳои истифодаи роҳҳои пойтахт, хусусан онҳое, ки ба поккории шаҳр машғуланд, кумак расонид.

Ёдовар мешавем, ки ғамхорӣ дар ҳаққи  ятимону маъюбон, оилаҳои камбизоат ва шахсони ниёзманд аз самтҳои муҳими сиёсати иҷтимоии роҳбарияти давлату Ҳукумати Ҷумҳурии Тоҷикистон  ба ҳисоб рафта, ҳар як нафар аз иқдому ташаббуси хайрхоҳона ва инсондӯстонаи Президенти Ҷумҳурии Тоҷикистон муҳтарам Эмомалӣ Раҳмон  баҳраманд мегардад.

Май 22, 2020 09:12

Хабарҳои дигари ин бахш

ТАБИБОНИ ЧИН БА КУМАК ОМАДАНД! Бо ибтикори Раиси шаҳри Душанбе Рустами Эмомалӣ ҳавопаймо аз Чин бо мутахассисон ва кумаки хайрия дар пойтахти Тоҷикистон фуруд омад
COVID-19. Дар Душанбе Беморхонаи сайёри муваққатӣ барои қабули беморон пурра омода карда шуд
Қарори Раиси шаҳри Душанбе «Дар бораи Тартиб ва меъёрҳои пардохт барои додани иҷозати сохтмони бино ва иншоот дар пойтахти Ҷумҳурии Тоҷикистон — шаҳри Душанбе»
ҚАДРДОНӢ АЗ ЗАҲМАТИ ТАБИБОНИ ДУШАНБЕ. Соҳибкори тоҷик дар посух ба иқдомҳои созандаи Пешвои миллат ба 1700 нафар кормандони соҳаи тиб кумак расонид
ТО ИМРӮЗ БЕШ АЗ 512 ҲАЗОР СОКИНОНИ ДУШАНБЕ БА КАРАНТИН ФАРО ГИРИФТА ШУДААНД. Оид ба тадбирҳои андешида ҷиҳати пешгирии бемории сироятии коронавирус дар пойтахт
ГАШТУГУЗОР БЕ НИҚОБ ҚАТЪИЯН МАНЪ АСТ! Идомаи амалиёти профилактикӣ ва фаҳмондадиҳӣ аз ҷониби милитсияи пойтахт
АЗ ИНҲО ИБРАТ ГИРЕД! Кумаки вакили Маҷлиси вакилони халқи шаҳри Душанбе ба сокинони ноҳияи Шоҳмансури пойтахт
«Тоҷикгидроэлектро-монтаж» ба Раёсати тандурустии шаҳри Душанбе ба маблағи 1,5 миллион сомонӣ таҷҳизот кумак намуд
ПАЙРАВӢ БА ИҚДОМҲОИ БАШАРДӮСТОНАИ ПЕШВОИ МИЛЛАТ. Ширкати ватании «Авесто Гурӯҳ» ба Раёсати тандурустии шаҳри Душанбе дар ҳаҷми беш аз 2,5 миллион сомонӣ лавозимоти зарурии тиббӣ кумак расонид
COVID-19: Фаъолияти кошонаҳои ҳусн, нуқтаҳои фурӯши телефон ва шустушӯи мошинҳо то 31 майи соли 2020 манъ карда шуд
ДУШАНБЕ СОЛИ 2021 ПОЙТАХТИ ФАРҲАНГИИ ИДМ МЕГАРДАД. Дар бораи омодагӣ ба ҷаласаи Шӯрои ҳамкории фарҳангии давлатҳои узви ИДМ
МО ДАР ЯКҶОЯГӢ БАР COVID-19 ҒОЛИБ МЕОЕМ! Бо кӯмаки Ӯзбекистон дар Душанбе бемористони сайёр ба истифода дода мешавад

Маводҳои таҳлилӣ