Фарҳанг

Душанбе, 7 июл. (АМИТ «Ховар», Бекназари Абӯбакр). — 7 июл дар Ҷумҳурии Қазоқистон ҷашнвораи байналмилалии филми «Авруосиё» оғоз мешавад, ки дар доираи он танҳо офаридаҳои коргардонҳои Осиёи Марказӣ ба намоиш гузошта мешавад. Дар ҷашнвораи мазкур 70 филм намоиш дода мешавад, ки коргардонҳои Ҷумҳурии Тоҷикистон низ чанде аз филмҳои худро ба он пешкаш мекунанд. Маврид ба ёдоварист, ки имрӯз дар Ҷумҳурии Афғонистон низ ҷашнвораи байналмилалии дигари синамо идома мекунад, ки дар он филмҳои драмматурги шинохтаи тоҷик Шодӣ Солеҳ таҳти унвони «Нони Раштон», «Рӯшноӣ», «Гул», ва «Ҳаром ва Ҳалол» ба намоиш гузошта мешаванд.