НИШАСТИ МАТБУОТӢ. Соли 2025 ҳама намуди андозу даромадҳо дар шаҳри Роғун 125,7 фоиз иҷро шуд
РОҒУН, 07.02.2026. /АМИТ «Ховар»/. Дар давраи ҳисоботии соли 2025 дар шаҳри Роғун ҳаҷми истеҳсоли маҳсулоти саноатӣ бо назардошти истеҳсоли неруи барқи Неругоҳи барқи обии «Роғун» ба 356,0 миллион сомонӣ расонида шуд, ки нисбат ба ҳамин давраи соли 2024 24,2 миллион сомонӣ зиёд буда, 207,3 фоиз таъмин гардидааст. Ҳамчунин ба ҷойи 169,7 миллион сомонӣ нақшаи тасдиқшудаи ҳама намуди андозу даромадҳо дар соли 2025 213,2 миллион сомонӣ ҷамъоварӣ карда шуд, ки 125,7 фоизи иҷрои нақшаро ташкил медиҳад. Дар ин хусус Раиси шаҳри Роғун Сунъатулло Саидзода 6 феврал зимни нишасти матбуотӣ иттилоъ дод.
Дар нишасти матбуотӣ гуфта шуд, ки бо қарори Маҷлиси вакилони халқи шаҳри Роғун нақшаи чорабиниҳои Мақомоти иҷроияи ҳокимияти давлатии шаҳри Роғун оид ба истиқболи 35-солагии Истиқлоли давлатии Ҷумҳурии Тоҷикистон иборат аз 110 банд таҳия ва тасдиқ гардид. Аз ин шумора то ҷашни бузурги 35-солагии Истиқлоли давлатӣ 38 иншоот дар маркази шаҳри Роғун ва кӯчаи 25-солагии Истиқлолият, 14 иншоот дар шаҳраки Оби Гарм, 43 иншоот дар Ҷамоати деҳоти Қади Об ва 10 иншоот дар Ҷамоати деҳоти Сичароғ бунёд мегардад. То имрӯз 84 иншооти гуногун ба маблағи 402 миллиону 594 ҳазору 582 сомонӣ сохта, ба истифода дода шуд ва сохтмони иншооти дигар идома дорад.
Иброз гардид, ки давоми соли 2025 дар шаҳри Роғун 68 лоиҳа иҷро гардида, тавассути он 139,9 миллион сомонӣ азхуд карда шуд. Ёдовар мешавем, ки «Барномаи рушди иҷтимоию иқтисодии шаҳри Роғун барои солҳои 2021-2025» 88 лоиҳаро дар бар гирифта, маблағи амалишавии он 204,8 миллион сомонӣ мебошад.
Субҳониддини МАҲМУД,
АМИТ «Ховар»
АКС: АМИТ «Ховар»
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
