ТАҶДИДИ РОҲИ АВТОМОБИЛГАРДИ ДУШАНБЕ-ЧАНОҚ

Ба нақша гирифта шудааст, ки дар ин иншооти муҳим сохтмони роҳ бо дарозии 354,1 километр, 39 адад пулҳои хурд, миёна ва калон, бо дарозии 1777 метр, бо дарозии 5974 метр васл ва хобонидани қубурҳои обгузари зери роҳ, 19090 метр деворҳои ҳимоявии роҳ ва дигар корҳо анҷом дода мешавад, ки маблағи умумии онҳо 173,32 миллион доллари ИМА мебошад. Мӯҳлати анҷоми ин корҳо моҳи сентябри соли 2008 дар назар дошта шудааст. Сохтмони нақби автомобилгард (5253 метр) ва ҳаводиҳанда (5305 метр) дар ағбаи Шаҳристон ва нақби автомобилгард (897 метр) дар мавеи Майхура, бо арзиши умумии 85,68 миллион доллари ИМА, моҳи сентябри соли 2009 ба анҷом мерасад. Долонҳои зидди тарма (галерея) бо дарозии 3645 метр ва арзиши умумии 32,8 миллион доллари ИМА бошад то моҳи сентябри соли 2009 сохта ба истифода дода мешавад.