БАРРАСИИ МАСЪАЛАИ ТАҒЙИР ЁФТАНИ ИҚЛИМ ДАР ОСИЁИ МАРКАЗӢ

Конфронс ба 80 – солагии гузаронидани Экспедитсияи мутахассисони Олмону Русия дар минтақаи Помиру Олой бахшида шудааст, ки соли 1928 гузаронида шуда буд. Ҳамин экспедитсия ба ҷараёни омӯзиши вазъияти иқлим ва рушди қувваҳои истеҳсолкунандаи минтақа ибтидо гузошт. Мухбири АМИТ «Ховар» хабар медиҳад, ки конфронси мазкур дар шаҳри Тошканд оғоз ёфта буд, акнун қисми хотимавии он дар шаҳри Душанбе баргузор мегардад. Дар конфронс натиҷаҳои таҳқиқоти олимони минтақа ҷамъбаст карда мешавад. Конфронсро Донишгоҳи шаҳри Байройти Олмон бо кӯмаки Вазорати корҳои хориҷии ин мамлакат баргузор месозад.