МЕРКЕЛ : «ГУРҶИСТОН ҲАТМАН УЗВИ НАТО ХОҲАД ГАШТ»

Вале бояд гуфт, ки мамлакатҳои дигари аъзои НАТО дар ин масъала ақидаи ягона надоранд. Онҳо зикр мекунанд, ки алҳол аз қабули Гурҷистон ва Украина ба узвияти созмон худдорӣ кардан зарур аст. А.Меркел барои дастгирии Саакашвили ба Тифлис омад. Вай дар ин ҷо изҳор намуд, ки Русия бояд қисмҳои ҳарбии худро ҳар чӣ зудтар аз қаламрави Гурҷистон барорад. М.Саакашвили изҳор намуд, ки низомиёни Русия дигар дар минтақа нақши ҳомиёни сулҳро бозӣ карда наметавонанд. Мулоқоти канслери Олмон ва президенти Гурҷистон бо изҳороти президенти Русия дар бораи мӯҳлати баровардани қисмҳои ҳарбии ин мамлакат аз қаламрави Гурҷистон рост омад. Д.Медведев ба президенти Фаронса Н. Саркози ваъда дод, ки баровардани қисмҳои ҳарбӣ аз Гурҷистон рӯзи душанбе шурӯъ мешавад.