НАРХҲОИ ОСМОНӢ

Ин дафъа, ба бозорҳои шаҳри Душанбе маҳсулоти кишоварзони вилояти Хатлон аз минтақаи Кӯлоб ворид карда шуд. Азбаски нарху наво дар бозорҳои шаҳр ба гуфти мардум «осмонӣ» аст, сокинони пойтахт кӯшиш мекунанд аз ин намоишу фурӯш барои як ҳафта, ҳеҷ набошад, барои 3-4 рӯзашон маҳсулоти кишоварзиро захира кунанд. Кишоварзони минтақаи Кӯлоб ба шаҳриён баробари маҳсулоти кишоварзӣ барои гузаронидани маросиму маъракаҳояшон букаю бузу гӯсфанд ҳам ворид карданд, ки ба мардум хеле писанд омад. Кишоварзони минтақаи Кӯлоб чунин ярмаркаро дар охири моҳи рамазон, ки ба 30- юми моҳи сентябр мувофиқ меояд, дар пойтахт ва марказҳои навоҳии минтақа ташкил доданианд.