ВАЗОРАТИ ТАНДУРУСТӢ ҲАМ БА МАҶЛИСИ СҲШ ТАЙЁРӢ МЕБИНАД

Аз ҷумла, дар 24 меҳмонхонае, ки иштирокчиёни мулоқот ва меҳмонон ҷой дода мешаванд, гурӯҳои махсуси хизматрасонии тиббӣ ташкил карда шуданд. Инчунин, дар ҳамаи ҷойҳои баргузории мулоқоту вохӯриҳои иштирокчиёни мулоқоти Сарони кишварҳои аъзои СҲШ гурӯҳҳои санитарию эпидемиологӣ фаъолият мекунанд. Бо ин мақсад аз ҷумлаи мутахассисони варзида 13 бригадаи ёрии таъҷилӣ омода шудаанд, ки бо асбобу анҷоми зарурӣ таъмин мебошанд. Мо ҳамаи тадбирҳоро меандешем, ки ин мулоқот муташаккилона гузарад, гуфтанд ба мухбири АМИТ «Ховар» дар дафтари матбуоти Вазорати тандурустӣ.