1 ОКТЯБР — РӮЗИ ОДАМОНИ СОЛХӮРДА

Душанбе, 22 сентябр. (АМИТ «Ховар», Людмила Дубинина).-1 октябр дар Тоҷикистон Рӯзи одамони солхӯрда таҷлил карда мешавад. Ба ин муносибат дар Маркази тадқиқоти стратегии назди Президенти ҷумҳурӣ машварат баргузор гардид. Айни ҳол дар чор ноҳияи пойтахт бо кӯмаки Агентии «Каритас» — и Швейтсария марказҳои дастгирии одамони солхӯрда ташкил карда шудаанд. Дар ҷумҳурӣ ба бештар аз 1,5 фоизи нафақахӯрони аз 70 — сола калон кӯмаки тиббии бепул расонда мешавад. Дар машварат зикр карда шуд, ки ба одамони солхӯрда кормандони Агентии ҳифзи иҷтимоии Вазорати меҳнат ва ҳифзи иҷтимоии аҳолӣ, Федератсияи иттифоқҳои касаба ва Маркази миллии дастёрони ихтиёрӣ кӯмак мерасонанд.