ҲАҶМИ УМУМИИ МАҲСУЛОТИ КИШОВАРЗӢ

Душанбе, 22 сентябр. (АМИТ «Ховар», Лаззат Диловарзод).- Соли 2008 ба сари кишоварзони ҷумҳурӣ мушкилоти овард. Аммо ин ҳаҷми маҳсулоти умумии кишоварзро дар моҳи январ — августи соли ҷорӣ кам накард. Баръакс ҳаҷми он дар ҳамаи сохторҳои хоҷагӣ 3595,0 миллион сомонӣ (бо нархҳои ҷорӣ) ташкил намуд, ки нисбати ҳамин давраи соли 2007 — 7,9 фоиз зиёд мебошад. Аз он ҷумла дар соҳаи растанипарварӣ 2602,7 млн. сомонӣ ё 8,9 фоиз, чорводорӣ 992,3 млн. сомонӣ ё ки 5,1 фоиз афзуд. Ҳаҷми умумии маҳсулоти кишоварзии вилояти Хатлон дар ҳамаи сохторҳои 1998,9 млн. сомонӣ, вилояти Суғд 864,3 млн. сомонӣ, вилояти Мухтори Кӯҳистони Бадахшон 61,8 млн. сомонӣ ва ноҳияҳои тобеи ҷумҳурӣ 700,0 млн. сомониро ташкил дод, ки мутаносибан 6,8 ; 6,6%, 11,9 % , 12,5% зиёд аст.