БА УКРАИНА БӮҲРОНИ НАВИ СИЁСӢ ТАҲДИД МЕКУНАД

Киев, 4 сентябр. (АМИТ «Ховар» — Евронюс). — Сарвазири Украина Юлия Тимошенко ба пешниҳоди гузаронидани интихоботи пеш аз мӯҳлат муқобил баромад. Президенти мамлакат Виктор Юшенко таҳдид кард, ки агар дар парлумон дар мӯҳлати пешбиникардаи Қонуни асосӣ эътилофи нав созмон дода нашавад, онро пароканда хоҳад кард. Сабаби ба миён омадани бӯҳрони нави сиёсӣ иқдоми гурӯҳи парлумонии ҷонибдори Президент дар бобати хориҷ гардидан аз эътилофи парлумонӣ мебошад. Вакилони тарафдори Тимошенко дар парлумон, инчунин ҳизби мухолифи минтақаҳои Виктор Янукович ва коммунистон пеш аз ин дар бораи қабули баъзе қонунҳо дар масъалаи вусъат додани ваколатҳои сарвазир ва осонтар сохтани тартиботи изҳори нобоварӣ ба сардори давлат қарор қабул намуданд. В.Юшенко ин иқдомро оғози табаддулоти конститутсионӣ номид. Хабар дода мешавад, ки интихоботи пеш аз мӯҳлати вакилони парлумон моҳи сентябри соли 2007 баргузор гардида буд.