ЧОРЯК ҚИСМИ ҲОСИЛ

Душанбе, 26 сентябр. (АМИТ «Ховар», Лаззат Диловарзод).-Бино ба маълумоти фаврии Раёсати растанипарварии Вазорати кишоварзӣ ноҳияҳои тобеи ҷумҳурӣ чоряки нақшаи ҷамъоварии пахтаро иҷро намуданд. Тибқи нақша соли ҷорӣ ноҳияҳои тобеи ҷумҳурӣ 48 ҳазору 500 тонна пахта ҷамъоварӣ карданианд. То 22 сентябр ноҳияҳои тобеи ҷумҳурӣ бештар аз 12 ҳазор тонна пахта ҷамъоварӣ намуданд, ки ин 24,8 фоизи нақшаи солона ҷамъоварии пахтаро ташкил медиҳад. Ноҳияи Турсунзода аз 48 ҳазору 500 тоннаи нақшавӣ — 3436, Ҳисор аз 11500 тонна — 4500, Рӯдакӣ аз 17 ҳазору 100 тонна – 610, Шаҳринав аз 5 ҳазору 950 — 1378 ва ноҳияи Ваҳдат аз 6350 тонна — 2090 тонна пахта ҷамъоварӣ намуданд.