ХИЗМАТРАСОНИИ НАҚЛИЁТИ РОҲИ ОҲАН

Душанбе, 4 сентябр. (АМИТ «Ховар», Лаззат Диловарзод).- Бино ба маълумоти Корхонаи воҳиди давлатии роҳи оҳани Тоҷикистон дар давоми нимсолаи аввали соли ҷорӣ боркашонӣ тавассути роҳи оҳан нисбатан зиёд гардид. Дар моҳи январ июни- соли 2008 дар нақлиёти роҳи оҳан ба 11,7 ҳазор қатора маҳсулоти гуногун бор карда, ба нуқтаҳои муайян фиристода шуд. Дар ҳамин муддат бори 44,4 ҳазор вагон холӣ карда шудааст. Дар шаш моҳи аввали соли ҷорӣ гардиши қатораҳои боркаш 1,55 шабонарӯзро ташкил дод, ки нисбат ба ҳамин давраи соли 2007 8,4 фоиз зиёд аст. Боиси тазаккур аст, ки маҳсули кори локоматив 677 ҳазор тонна км. брутторо ташкил дод, ки нисбат ба соли гузашта 2 фоиз кам аст.