КУМИТАИ АНДОЗ БА МӮҲТОҶОН КӮМАК КАРД

Душанбе, 18 сентябр. (АМИТ «Ховар», Бекназари Абӯбакр). — Дар арафаи иди Рамазон Кумитаи андози назди Ҳукумати Ҷумҳурии Тоҷикистон ба мактаб-интернати ҷумҳуриявии кӯдакони камбизоати ноҳияи Нуробод ба маблағи 24,6 ҳазор сомонӣ озуқаворӣ, аз қабили орд, биринҷ, равған, шакар, инчунин либос ва лавозимоти дигари мактабӣ фиристод. Сардори шӯъбаи робита бо воситаҳои ахбори омма ва протоколи кумитаи мазкур Саидмурод Рабеъзода ба мухбири АМИТ «Ховар» гуфт, ки дар давоми 9 моҳи соли ҷорӣ Кумитаи андоз ба фонди ҷамъиятии хайрияи Тоҷикистон 33 ҳазор сомонӣ, барои таъмири мактаби таҳсилоти ҳамагонии ноҳияи Абдураҳмони Ҷомӣ 164 ҳазор сомонӣ, барои дастгирии сокинони аз офати табиӣ зарардидаи ноҳияҳои Ашт ва Рашт 10 ҳазор сомонӣ ва ба НБО шаҳраки Роғун 74,6 ҳазор сомонӣ маблағҳои муайян ҳамчун ёрии башардӯстона кӯмак намудааст. Ҳаҷми умумии ин маблағҳо ба 310 ҳазор сомонӣ мерасад.