ОҒОЗИ ПАХТАЧИНӢ ДАР НОҲИЯИ ҒОНЧӢ

Душанбе, 17 сентябр. (АМИТ «Ховар», Лаззат Диловарзод).- Бино ба маълумоти фаврии Вазорати кишоварзӣ нӯҳумин ноҳияи пахтакори вилояти Суғд — Ғончӣ ҳам ба пахтачинӣ оғоз кард. Ёдовар мешавем, ки дар ин вилоят 11 ноҳия ба пахтакорӣ машғул аст, ки тибқи нақша дар соли ҷорӣ 172 ҳазору 100 тонна пахта ҷамъоварӣ менамоянд. Ноҳияи Ғончӣ дар соли ҷорӣ дар асоси дурнамои истеҳсолӣ 1 ҳазору 20 тонна пахта ҷамъ оварданист. То 16 сентябр дар ин ноҳия 8 тонна пахта ҷамъоварӣ гардид, ки ин баробари 0,8 фоизи нақшаи солона мебошад.