ШОИРАИ ТОҶИК СОҲИБИ ДИПЛОМИ ОЗМУНИ БАЙНАЛХАЛҚӢ ГАРДИД
Душанбе, 11 сентябр. (АМИТ «Ховар», Темур Бандишоев). — Дар шаҳри Маскав озмуни эҷодии «Адибони ҷавони Иттиҳоди давлатҳои мустақил» анҷом ёфт. Озмун бо ташаббуси Бунёди байнидавлатии ҳамкории гуманитарии давлатҳои ИДМ гузаронида шуд. Аз бунёди мазкур ба АМИТ «Ховар» хабар доданд, ки шоираи ҷавони тоҷик Дилором сазовори дипломи махсуси озмун гардид. Тавре хабар дода шуда буд, дар озмун шоирони ҷавони то 35 – солаи мамлакатҳои ИДМ ширкат варзиданд. Намояндагони Русия Андрей Нитченко дар фарҷоми озмун соҳиби дипломи дараҷаи аввал, намояндаи Гурҷистон Ника Ҷорҷанели соҳиби дипломи дараҷаи дуюм ва намояндаи Украина Дмитрий Лазуткин соҳиби дипломи дараҷаи сеюм гардиданд. Ғайр аз ин аъзои ҳайати доварон ва кумитаи тадорукоти озмун ба шоирони ҷавони Арманистон, Тоҷикистон, Қирғизистон, Молдавия, Белорусия, Қазоқистон ва Озарбойҷон дипломҳои махсус супориданд. Дипломҳо ва мукофотҳои пулӣ ба ғолибони озмун 18 сентябр дар шаҳри Душанбе дар ҷараёни мулоқоти сеюми зиёиёни илмӣ ва эҷодкори давлатҳои ИДМ супурда мешаванд. Ҳадафи озмун дастгирии ҷавонони эҷодкори мамлакатҳои ИДМ, вусъат додани муносибатҳои эҷодӣ ва ҳамкорӣ дар соҳаҳои илму фарҳанг, ҳунар ва маърифат, расондани кӯмак ба ташаккули эҷодии адибони ҷавон ва чопи асарҳои онҳо мебошад.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
