ТАЙЁРӢ БА ТИРАМОҲУ ЗИМИСТОН

Душанбе, 22 сентябр. (АМИТ «Ховар», Лаззат Диловарзод).- Бо мақсади омодагӣ ба тирамоҳу зимистони соли 2008 -2009 ва беталаф баровардани чорво аз зимистон дар Вазорати кишоварзӣ нақшаи чорабиниҳо таҳия карда шуд. Тибқи он Раёсатҳои дастгоҳи марказии Вазорат ва Раёсатҳои кишоварзии вилоятҳо ва шаҳру ноҳияҳо барои тайёрии ҳаматарафа ба мавсими тирамоҳу зимистони соли 2008-2009 вазифадор гардиданд, ки барои нигоҳ доштани саршумори чорво ва зиёд кардани насли солими он хоҷагиҳои чорводор бо захираи хӯрока оғилхонаҳои гарм ва доруворӣ то фаро расидани тирамоҳу зимистон таъмин карда шавад. Ҳамчзамон шароити маишии чорводорон низ ба инобат гирифта мешавад. Ин имкон медиҳад, ки барои нигоҳ доштани чорвои ҷамъиятӣ масъулияти бештар гардад ва пеши роҳи талафи чорво гирифта шавад.