ҲАФРИЁТИ ШАҲРИСТОНИ ҚАЛЪАИ КОФАРНИҲОН АНҶОМ ЁФТ

            Душанбе, 4 октябр. ( АМИТ «Ховар», Тахмина Ғоибназарова).- Мутахассисони Осорхонаи миллии атиқаи Академияи илмҳои ҷумҳурӣ имрӯз ҳафриёти шаҳристони Қалъаи Кофарниҳонро ба охир расониданд. Директори Осорхона Саидмурод Бобомуллоев ба мухбири АМИТ «Ховар» гуфт, ки мутахассисон дар ин ҷо дафъаи чорум ҳафриёт мегузаронанд.           Онҳо дар давоми ду сафари гузашта қисматҳои гуногуни шаҳристонро ба навор бардошта, харитаҳои топографии онро тартиб дода, нақшаи таҳқиқоти минбаъдаро муайян намуданд. Дар сафари сеюм дар ин ҷо нишонаҳои давраи Кушониён, тангаҳо, зарфҳои сафолин ва ғайра ёфт шуданд. Мутахассисон умедворанд, ки ҳафриёти оянда дар шаҳристон натиҷаҳои дилхоҳ медиҳад.                                                                                                                                             Тарҷумон — А. Қудратов.