АССОТСИАТСИЯИ «АСАЛ»

Душанбе, 2 октябр.(АМИТ «Ховар», Лаззат Диловарзод).-Бино ба гуфти роҳбари ассотсиатсияи «Асал»- и ноҳияи Ховалинг Хушвақт Шарифов, онҳо соли ҷорӣ аз 15 то 18 тонна маводи саноатӣ-асали навъи олӣ гирифтанианд. Ҳоло ба ин ассотсиатсия 12 хоҷагии замбӯриасалпарварӣ муттаҳид карда шудааст. Хар хоҷагӣ аз 140 то 250 оила занбӯри асал дорад. Ноҳияи Ховалинг барои парвариши занбӯри асал шароити мусоидро дорост. Дар ин ҷо хоҷагиҳои алоҳидаи шахсӣ ҳам аз занбӯриасалпарварӣ фоидаи калон ба даст меоранд. Ба ақидаи мутахассисон, асали Ховалингу Рашт аз ҳам қариб фарқ надоранд. Аз ин рӯ, асали ин ду мавзеъ харидори зиёд доранд.