КОРХОНА БА ДЕХҚОНОН КӮМАК МЕРАСОНАД

        Душанбе, 7 октябр. (АМИТ «Ховар», Покиза Маҳмадбекова). – Корхонаи воҳиди давлатии «Тоҷикагролизинг» бо Қарори Ҳукумати Ҷумҳурии Тоҷикистон моҳи ноябри соли 2007 таъсис ёфта буд. Корхона хоҷагиҳои кишоварзӣ (фермерӣ) ва хусусии ҷумҳуриро новобаста ба шакли моликияташон бо техника ва қисмҳои эҳтиётӣ ба тариқи лизинг таъмин менамояд. Ҳукумати ҷумҳурӣ аввали соли равон ба корхонаи «Тоҷикагролизинг» барои хариди техника ва таҷҳизоти дигари кишоварзӣ 8 миллион сомонӣ ҷудо карда буд. Соли ҷорӣ тариқи шартномаҳои дутарафа аз ҷумҳуриҳои Белорусия ва Ӯзбекистон 62 трактори МТЗ, 44 плуг, 60 адад кузов ва 14 мошини картошкағундор ворид карда шуд, ки ба ивази қарзи дарозмуддат ба хоҷагиҳои деҳқонӣ тақсим карда шуданд. Ин кам бошад ҳам, меҳнати деҳқононро то андозае осон гардонда, ба онҳо имкон медиҳад, ки ҳосили фаровони зироат ба даст оваранд.