КОРКАРДИ МЕВАЮ САБЗАВОД ДАР МИНТАҚАИ РАШТ БА ГУСТАРИШ НИЁЗ ДОРАД

             Душанбе, 22 октябр. (АМИТ «Ховар», Покиза Маҳмадбекова). — Чанде қабл сафари кории Президенти Ҷумҳурии Тоҷикистон Эмомалӣ Раҳмон ба ноҳияҳои водии Рашт сурат гирифт. Дар ҷараёни ин сафар Сарвари давлат бо натиҷаҳои басо пурарзиш баҳри таъмини рушду нумӯи минбаъдаи иҷтимоию иқтисодии ин минтақа ошно гардид.            Умуман, дар ин минтақа имсол ҳосили фаровони картошка ва мева, аз ҷумла себу нок зардолу ва чормағз боиси хушҳоливу қаноатмандии мардум гардидааст. Деҳқонони хоҷагиҳо ният доранд, ки аз ҳар гектар 420 сентнерӣ ҳосил гиранд.              Раиси Иттифоқи «Тоҷикматлубот» имрӯз вазъи коркарди корхонаҳои хурди коркарди меваю сабзавот дар ин минтақаро дар сатҳи на он қадар хуб арзёбӣ кард. Фаъолияти корхонаҳои ин ноҳия аз нарасидани барқ каме танқисӣ мекашанд. Бинобар ин, барои боз ҳам пурқуват кардани ин корхонаҳои коркарди меваю сабзавот бояд чораҳои зарурӣ андешида шаванд, зеро соли ҷорӣ коркарди меваю сабзавод дар ин минтақа хеле дар сатҳи паст қарор дорад.