НИШАСТИ МАТБУОТИИ НОҲИЯИ МУЪМИНОБОД

              Мӯъминобод, 28 октябр. (АМИТ «Ховар», С. Холов). — 24 октябр дар ноҳияи Мӯъминобод бо иштироки хабарнигорон нишасти матбуотӣ баргузор гардид.               Раиси ноҳияи мазкур Сафаралӣ Зокиров доир ба вазъи иқтисодию иҷтимоии ноҳия дар давоми нӯҳ моҳи соли равон маълумот дода, зикр кард, ки дар ин давра нақшаи андоз ба ҷои 1 миллиону 374 ҳазору 403 сомонии пешбинигардида 1 милиону 498 ҳазору 951 сомонӣ ё 109 фоиз иҷро шуд, ки нисбат ба нақша 124 ҳазору 548 сомонӣ зиёд аст. Инчунин, дар давраи ҳисоботӣ баҳри рушди соҳаи кишоварзӣ ва соҳибкории хурду миёна аз тарафи бонкҳои ноҳия ба маблағи 4 милиону 802 ҳазор сомонӣ қарзҳои имтиёзнок ҷудо гардид, ки ба беҳтар шудани фаъолити соҳаҳои афзалиятноки хоҷагии халқи ноҳия мусоидат менамояд. Тӯли нӯҳ моҳи соли равон дар ноҳия нишондодҳои дурнамои маҳсулоти кишоварзӣ ва ниёзи мардум, аз қабили гӯшт — 3194 тонна, шир — 6526 тонна, пашм — 254 тонна ва тухм — 991 ҳазор истеҳсол карда шуд.                Таҳрири Б.Эгамов