НОМУВОФИҚАТИИ МАБЛАҒИ ҶУДОШУДА

Душанбе, 6 октябр.(АМИТ «Ховар». Лаззат Диловарзод).- Бино ба гуфти муовини аввали вазири кишоварзӣ Султон Валиев, маблағҳои ҷудошуда ба ҳар гектар замини пахта то моҳи июли соли ҷорӣ дар вилояти Суғд-573 сомонӣ дар вилояти Хатлон-784 ва дар ноҳияҳои тобеи ҷумҳурӣ 263 сомониро ташкил дод, ки ба меъёри пешниҳоднамудаи Вазорати кишоварзӣ мувофиқат намекунад. Зикр намудан ба маврид аст, ки мувофиқи ҳисоби мутахассисони вазорат дар асоси харитаи технологӣ, барои харидории тухмӣ, сӯзишворӣ, қисмҳои эҳтиётӣ, равғанҳои молиданӣ, нуриҳои минералӣ, заҳрхимикатҳо, пардохти музди меҳнат ва хизматрасонии об сарфи 2140 сомонӣ- (баробари 620 доллари ИМА) ба 1 гектар пешниҳод карда шудааст, ки он амалан иҷро нашуд.