САТҲИ ТАВОРУМ АЗ МЕЪЁР ЗИЁД АСТ

Душанбе, 2 октябр. (АМИТ «Ховар», Бекназари Абӯбакр). — Тибқи маълумоти Кумитаи давлатии омори Ҷумҳурии Тоҷикистон дар ҳашт моҳи соли ҷорӣ сатҳи таворуми пул 11,9 фоизро ташкил дод. Сабабҳои асосии ин вазъият 13,9 фоиз боло рафтани нархи озуқа, 19,5 фоиз афзудани нархи хизматрасонӣ ва 3,8 фоиз баланд шудани нархи молҳои ғайри озуқаворӣ мебошад. Вале ба ақидаи коршиносони Бонки миллии Тоҷикистон, таҳлилҳо нишон медиҳанд, ки сатҳи таворум, бе назардошти омилҳои мавсимӣ, маъмурӣ, беруна ва омилҳои дигар, дар ин давра 7,2 фоизро ташкил дод.