ВАРЗИШГАРОНИ ТОҶИК ДАР КУРИЁИ ҶАНУБӢ СЕ МЕДАЛ БА ДАСТ ОВАРДАНД

       Душанбе, 7 октябр. (АМИТ «Ховар»,Пайрав Назаров).- Аз 25 сентябр то 2 октябр дар шаҳри Пусони Куриёи Ҷанубӣ мусобиқаҳои варзишии ҷавонон баргузор гардид. Дар он гурӯҳи варзишгарони тоҷик низ ширкат варзида, соҳиби се медал ва ҷом гардиданд. Аз ҷумла варзишгари тоҷик Саидмаҳмуд Замиров дар вазни то 70 килограм дар гӯштини «Паҳлавонӣ» медали тилло ба даст овард.        Варзишгари дигар Наврӯз Арабов дар намудҳои варзиши «Қубода» ва «мили сангин» сазовори ҷойҳои дуюму сеюм гардид. Варзишгарони тоҷик инчунин ба Ҷоми махсуси мусобиқа сазовор гардиданд. Дастаи варзишгарони Тоҷикистон аз рӯи ҳисобҳои умумӣ дар мусобиқа ҷои сеюмро ишғол намуданд.